كورنەكى سۋرەت: قازاقستان كوروناۆيرۋس كەيستەرى بويىنشا 49-ورىندا تۇر. فوتو: Shutterstock

قازاقستاندا العاشقى كوروناۆيرۋس جۇقتىرۋ جاعدايى انىقتالعان 13 ناۋرىزدان بەرى، 53 كۇننىڭ ىشىندە ەلدەگى ناۋقاستار سانى 4 مىڭنان استى.   

4028 كەيستىڭ جىكتەلىمى:

  • الماتى – 1317
  • استانا – 701
  • قىزىلوردا وبلىسى – 214
  • شىمكەنت قالاسى – 213
  • بقو – 193
  • اتىراۋ وبلىسى – 184
  • اقتوبە وبلىسى – 160
  • قاراعاندى وبلىسى – 159
  • الماتى وبلىسى – 156
  • جامبىل وبلىسى – 154
  • پاۆلودار وبلىسى – 150
  • تۇركىستان وبلىسى – 143
  • اقمولا وبلىسى – 101
  • ماڭعىستاۋ وبلىسى – 74
  • قوستاناي وبلىسى – 50
  • سقو – 30
  • شقو – 29 ادامنان ۆيرۋس تابىلعان.

دەرتىنەن ايىققان 1134 ادامنىڭ ەڭ كوبى استانادان (286), الماتى قالاسى (177) جانە قىزىلوردا وبلىسىنان (138). باسقا وڭىرلەردە ساۋىعىپ شىققاندار سانى جۇزگە جەتە قويماعان.

ال قايتىس بولعان جالپى 27 ادامنىڭ 8-ءى الماتى، 5-ەۋى شىمكەنت قالالارى مەن 4-ەۋى اقمولا وبلىسىنىڭ تۇرعىندارى. سونداي-اق استانادا 3 ناۋقاس، قاراعاندى وبلىسىندا 2 جانە شق، قوستاناي، ماڭعىستاۋ، پاۆلودار، تۇركىستان وبلىستارىندا ءبىر ادامنان قايتقان.

  • 30 ءساۋىر – 264
  • 1  مامىر – 195
  • 2 مامىر – 260
  • 3 مامىر – 63
  • 4 مامىر – ازىرگە 108 ناۋقاس تىركەلدى.

تۇتاس الەمدى ەسەڭگىرەتكەن جۇعۋى جىلدام ءارى اسا اۋقىمدى ىندەتتى جۇقتىرۋشىلار سانى بويىنشا قازاقستان قازىرگى تاڭدا دۇنيەجۇزىندە 57-ورىندا تۇر.

قازاقستانداعى نەگىزگى كەيستەر رەەسترى:

  • 13 ناۋرىز ساعات 14.30 – ءبىرىنشى ناۋقاس (74 كۇندە)*;
  • 13 ءساۋىر ساعات 23.40 – 1 000 ناۋقاس (31 كۇندە);
  • 22 ءساۋىر ساعات 09.25 – 2 000 ناۋقاس (10 كۇندە);
  • 27 ءساۋىر ساعات 17.40 – 3 000 ناۋقاس (6 كۇندە);
  • 4 مامىر ساعات 18.35   – 4 000 ناۋقاس (7 كۇندە).

*Wikipedia: 2019 جىلى 31 جەلتوقسان كۇنى قىتايدا العاشقى جاعداي تىركەلدى.

قازاقستاننىڭ باس مەملەكەتتىك سانيتارلىق دارىگەرى ايجان ەسماعامبەتوۆا دۇيسەنبى كۇنگى دەنساۋلىق ساقتاۋ مينيسترلىگىندە وتكەن بريفينگتە «ەلدە ەپيدەميولوگيا احۋالى تۇراقتانعانىن» ايتىپ، كارانتين اقىرىنداپ جەڭىلدەيتىن بولادى دەدى. ونىڭ سوزىنشە، وتكەن ەكى اپتاداعى كوروناۆيرۋس ءوسىمى 7%-دان اسپاعان. ءساۋىر ايىندا جاپپاي تەستىلەۋدىڭ ارقاسىندا COVID-19 ينفەكتسياسىن جۇقتىرعان 1862 جاعداي، ياعني بارلىق كەيستىڭ 52%-ى انىقتالعان. 17 ءوڭىردىڭ 13-ىندە كەيستەر سانى ءجۇزدىڭ ۇستىندە كورسەتۋدە. بۇعان دەيىن جاۋاپتى مينيسترلىك مامىر ايىنىڭ سوڭىنا قاراي ىندەتكە شالدىققان قازاقستاندىقتاردىڭ قاتارى 5,3 مىڭعا دەيىن جەتەتىنىن بولجاعان ەدى.

قازىر الەمدە  3,5 ميليوننان استام ادامنىڭ كوروناۆيرۋس جۇقتىرعانى بەلگىلى. ولاردىڭ 249 مىڭعا جۋىعى دەرت مەڭدەپ قايتىس بولسا، 1,1 ميلليونى اۋرۋىنان ايىعىپ، ۇيىنە جىبەرىلگەن.

"The Qazaq Times"