Täjtajal qwrığı wzarıp baradı: Segiz öñirden 88 nauqas

26 naurızda Qazaqstannıñ densaulıq saqtau ministrligi astanada – bes adam, Almatıda eki adamnan koronavirus anıqtalğanın habarladı.

8 öñirde tirkelgen COVID-19 infekciyasın jwqtırğandar sanı 88-ge jetti. Olar:

• Almatıda – 34 adam,
• astanada – 46 adam,
• Qarağandıda – eki adam,
• Şımkentte – eki adam,
• Almatı oblısında – bir adam,
• Aqtöbe oblısında – bir adam,
• Jambıl oblısında – bir adam,
• Soltüstik Qazaqstan oblısında bir adam em alıp jatır.

Keşe, 25 naurız aqparat ministri Däuren Abaev auruınan ayıqqan eki qazaqstandıqtıñ bügin şığarılatının habarlap edi. Biraq şeneunik nauqas naqtı qanday emşaramen, nendey däri qwralı arqasında sauıqqanın naqtı aytpadı.

Elde 15 säuirge deyin tötenşe jağday jariyalanğan. Äzirge Almatı qalası men astana küşeytilgen karantin rejimine köşti.

Dadax komerciyalıq emes kompaniyasına qarastı Worldometer statistikalıq aqparattar bazası jäne AQŞ-tağı Djon Hopkins universitetiniñ soñğı deregi boyınşa, älemde 470 mıñnan astam adam qaterli virusqa şaldıqqan. Sonday-aq 21 mıñnan astam nauqas köz jwmsa, 114 mıñday adam dertinen ayıqtı.

"The Qazaq Times"