Көрнекі сурет. Фото: Da-kuk

26 наурызда Қазақстанның денсаулық сақтау министрлігі астанада – бес адам, Алматыда екі адамнан коронавирус анықталғанын хабарлады.

8 өңірде тіркелген COVID-19 инфекциясын жұқтырғандар саны 88-ге жетті. Олар:

  • Алматыда – 34 адам,
  • астанада – 46 адам,
  • Қарағандыда – екі адам,
  • Шымкентте – екі адам,
  • Алматы облысында – бір адам,
  • Ақтөбе облысында – бір адам,
  • Жамбыл облысында – бір адам,
  • Солтүстік Қазақстан облысында бір адам ем алып жатыр.

Кеше, 25 наурыз ақпарат министрі Дәурен Абаев ауруынан айыққан екі қазақстандықтың бүгін шығарылатынын хабарлап еді. Бірақ шенеунік науқас нақты қандай емшарамен, нендей дәрі құралы арқасында сауыққанын нақты айтпады.

Елде 15 сәуірге дейін төтенше жағдай жарияланған. Әзірге Алматы қаласы мен астана күшейтілген карантин режиміне көшті.

Dadax комерциялық емес компаниясына қарасты Worldometer статистикалық ақпараттар базасы және АҚШ-тағы Джон Хопкинс университетінің соңғы дерегі бойынша, әлемде 470 мыңнан астам адам қатерлі вирусқа шалдыққан. Сондай-ақ 21 мыңнан астам науқас көз жұмса, 114 мыңдай адам дертінен айықты.

"The Qazaq Times"