كورنەكى سۋرەت. فوتو: Da-kuk

26 ناۋرىزدا قازاقستاننىڭ دەنساۋلىق ساقتاۋ مينيسترلىگى استانادا – بەس ادام, الماتىدا ەكى ادامنان كوروناۆيرۋس انىقتالعانىن حابارلادى.

8 وڭىردە تىركەلگەن COVID-19 ينفەكتسياسىن جۇقتىرعاندار سانى 88-گە جەتتى. ولار:

  • الماتىدا – 34 ادام،
  • استانادا – 46 ادام،
  • قاراعاندىدا – ەكى ادام،
  • شىمكەنتتە – ەكى ادام،
  • الماتى وبلىسىندا – ءبىر ادام،
  • اقتوبە وبلىسىندا – ءبىر ادام،
  • جامبىل وبلىسىندا – ءبىر ادام،
  • سولتۇستىك قازاقستان وبلىسىندا ءبىر ادام ەم الىپ جاتىر.

كەشە، 25 ناۋرىز اقپارات ءمينيسترى داۋرەن اباەۆ اۋرۋىنان ايىققان ەكى قازاقستاندىقتىڭ بۇگىن شىعارىلاتىنىن حابارلاپ ەدى. بىراق شەنەۋنىك ناۋقاس ناقتى قانداي ەمشارامەن، نەندەي ءدارى قۇرالى ارقاسىندا ساۋىققانىن ناقتى ايتپادى.

ەلدە 15 ساۋىرگە دەيىن توتەنشە جاعداي جاريالانعان. ازىرگە الماتى قالاسى مەن استانا كۇشەيتىلگەن كارانتين رەجيمىنە كوشتى.

Dadax كومەرتسيالىق ەمەس كومپانياسىنا قاراستى Worldometer ستاتيستيكالىق اقپاراتتار بازاسى جانە اقش-تاعى دجون حوپكينس ۋنيۆەرسيتەتىنىڭ سوڭعى دەرەگى بويىنشا، الەمدە 470 مىڭنان استام ادام قاتەرلى ۆيرۋسقا شالدىققان. سونداي-اق 21 مىڭنان استام ناۋقاس كوز جۇمسا، 114 مىڭداي ادام دەرتىنەن ايىقتى.

"The Qazaq Times"