Qazaqstanda koronavirus jwqtırğan eki nauqas tirkeldi

Qazaqstanda koronavirus infekciyasına şaldıqqan alğaşqı eki pacient tirkeldi.

Densaulıq saqtau ministriniñ sözinşe, Almatı qalasına Germaniyadan wşıp kelgen eki qazaqstandıq jwqtırğan.

«Ökinişke oray, men bügin mwqiyat tekseruden keyin eki azamatqa infekciya oñ nätije körsetkenin rastap, habarlauğa mäjbürmin. Basqa karantinge jatqızılğandarda äzirge klinikalıq belgiler joq, özin jaqsı sezinedi. Barlıq qajetti şaralar qolğa alınıp jatır», - dedi ministr.

12 naurız qonğan wşaqtağı 12 azamat auruhanağa jatqızılğan, onıñ bireuinen koronavirus infekciyası anıqtaldı. Al 9 naurız wşıp kelgen borttağı 73 jolauşınıñ birinen atalğan infekciya tabılğan. Eki nauqaspen baylanısta bolğan 85 adamğa qatıstı aqparat anıqtalıp jatqan körinedi.

Nauqas eki adamnıñ biri er adam - 46 jasta, al ekinşisi äyel kisi - 36 jasta. Ekeui de Almatı qalasındağı jwqpalı aurular auruhanasına jatqızıldı,  sondıqtan mekeme büginnen bastap karantin rejiminde jwmıs isteydi.

11 naurızda Düniejüzilik densaulıq saqtau wyımı Covid-19 koronavirusına baylanıstı pandemiya jariyaladı. DDSW basşısı soñğı eki aptada Qıtaydan basqa elderde koronavirus jwqtırğan jandardıñ sanı 13 ese, al, virus tirkelgen elder sanı 3 ese öskenin habarladı.

(aqparat tolıqtırıluda)

"The Qazaq Times"