Körneki suret. Fotokollaj: aşıq derekköz

Densaulıq saqtau ministrligi bügingi jağday boyınşa elde 4 mıñğa juıq adam baqılauda twrğanın habarladı.  

Ministrliktiñ bayandauınşa, QHR men şekaralas memleketterden kelgen azamattarğa monitoring jalğasuda.

«4650 adamğa monitoring jürgizildi, onıñ işinde 1 «a» sanatı boyınşa – 1217, 1 «b» sanatı boyınşa – 189, 2 sanat boyınşa – 3244 adam medicinalıq baqılauda boldı.⠀Barlığı 676 adam baqılaudan alındı. 11 naurızdağı jağday boyınşa barlığı 3974 adam baqılauda twr» delingen habarlamada. Sonday-aq, 11 naurızdağı ahual boyınşa, barlığı 90 adam dene qızuımen jäne JRVI-men, onıñ işinde 1 «b» sanatı boyınşa – 20 adam, 2-sanat boyınşa – 36 adam, 3-sanat boyınşa – 34 adam emdeuge jatqızılğan. Emdeuge jatqızılğan 90 adamnıñ işinen 52 adam şığarıldı. 38 adam stacionarda jatır», – delingen vedomstvo habarlamasında.

Ministrlik mälimetinşe, auruhanağa jatızılğan barlıq pacienttiñ sınamasın qosımşa baqılau üşin Almatı qalasınıñ ortalıq referenttik zerthanasına jiberilgen. Onda Wlttıq biotehnologiya ortalığınıñ filialı jäne Ayqımbaev atındağı asa qauipti infekciyalar wlttıq ğılımi ortalığı 2020 jıldıñ qañtarınan bastap DDSW wsınğan hattama negizinde COVID-19 PCR-diagnostikasın birlesip jürgizip jatqan körinedi.

Vedomstvo elde «därilik zattar men medicinalıq maqstattağı bwyımdar, infekciyalıq auruhanalarda oqşaulauğa arnalğan bokstar bar» degenimen, är aymaqta qarapayım medicinalıq betperde birneşe esege qımbattap ketken.

Sonımen qosa densaulıq saqtau ministri Eljan Birtanov koronavirus infekciyasınıñ tirkelui jönindegi bas sanitarlıq däriger Jandarbek Bekşinniñ aytqan boljamın rastap pikir bildirdi. Keşe, 10 naurızda Ortalıq kommunikaciyalar qızmetinde ötken brifingte bas sanitar däriger Jandarbek Bekşin aldağı 5-6 kün işinde elde koronavirus diagnozı tirkelui mümkin ekenin aytqan edi.

Älem köleminde särsenbidegi jağday boyınşa, qaterli dertke şaldıqqandardıñ sanı – 119 mıñğa, al köz jwmğandardıñ qatarı – 4286-ğa jetkeni belgili boldı.

“The Qazaq Times”