Densaulıq saqtau ministri Eljan Birtanov. Foto: aşıq derekköz

Densaulıq saqtau ministri Eljan Birtanov koronavirus infekciyasınıñ tirkelui jönindegi bas sanitarlıq däriger Jandarbek Bekşinniñ aytqan boljamına pikir bildirdi.

«Koronavirus älemdi jaylap baradı, infekciya 115 elge taradı. Olardıñ qatarında jaqın körşilerimiz, sonday-aq, elimizben tikeley äue qatınası qalıptasqan memleketter de bar. Biz de älemniñ bir böligimiz, sondıqtan, oqşaulanıp, bölektene almaymız. Mwnı bäriñiz jaqsı tüsinesizder. Infekciya Qazaqstanğa da jetui mümkin, onı joqqa şığarmaymız», – dep jazdı ministr Facebook jelisindegi resmi parağına.

Onıñ sözinşe, ükimet koronavirus infekciyasın elge kirgizbeu men taratpau bağıtında «bwrın-soñdı bolmağan auqımdı şaralar qabıldağan» körinedi.

Sonday-aq ol «Büginde Qazaqstanda koronavirus jwqtırğan nauqas tirkelgen joq!Al, bas sanitarlıq däriger Bekşin ğalımdardıñ statistikalıq model'deu ädisimen jasağan boljamına süyenip, koronavirustıq infekciya elimizge de jetui mümkin ekenin aytqan edi», – deydi.

Qazaqstanda koronavirustıq infekciya anıqtalmağanın qaytalağan Birtanovtiñ dereginşe, «ğalımdar zertteu barısında sırttan kelgen jolauşılar legi men koronavirus tarağan memleketterdegi derekterdi paydalanğan». …«Biraq otandıq ğalımdardıñ boljamı is jüzinde bolmauı da mümkin».

Keşe, 10 naurızda Ortalıq kommunikaciyalar qızmetinde ötken brifingte bas sanitar däriger Jandarbek Bekşin aldağı 5-6 kün işinde elde koronavirus diagnozı tirkelui mümkin ekenin aytqan edi.

“The Qazaq Times”