Prezident Toqaev wlttıq qoğamdıq senim keñesiniñ qwramın jañartu jöninde jazba jariyaladı.  

«Wlttıq qoğamdıq senim keñesiniñ jwmısına jwrtşılıqtı keñinen tartu maqsatında keñes müşeleri almastırıldı. Wlttıq keñeske belgili qoğam qayratkerleri keldi. Keñestiñ bwrınğı müşelerine belsendi jwmıstarı üşin rizaşılığımdı bildiremin», – dep jazdı ol tvitter jelisindegi resmi parağında.

Aqordanıñ mälimetine qarağanda, prezident janındağı wlttıq qoğamdıq senim keñesi rotaciyalanıp, jaña müşeleri qabıldanğan. Olar:

  • ​belgili qoğam qayratkeri, mäjilis deputatı, Auğan soğısı ardagerleri wyımdarınıñ «Qazaqstan ardagerleri» qauımdastığınıñ törağası Baqıtbek Smağwl;
  • belgili zañger, Europalıq qwqıq jäne adam qwqıqtarı institutınıñ direktorı Marat Başimov;
  • qoğam qayratkeri, «Mazmwndama" QB törağası Şıñğıs Mwqan;
  • Qazaqstannıñ jañartılatın energetika qauımdastığınıñ bas direktorı Arman Qaşqınbekov;
  • «Talbesik» köpbalalı analar qozğalısınıñ jetekşisi, jurnalist Läzzat Qojahmetova;
  • zañger, «İzgilik elşisi» respublikalıq eriktiler qozğalısınıñ jetekşisi Aynwr Säbitova.

Rotaciya ayasında adam qwqıqtarı jönindegi uäkil El'vira Äzimova, balalar ombudsmeni Arujan Sain, bwrınğı biznesmen-ombudsmen Bolat Palımbetov, «Qazaqstan barısı» qazaq küresin damıtu qorınıñ qamqorşılıq keñesiniñ törağası Arman Şoraev, sayasattanuşı Baqıtjan Bwqarbay, Qazaqstan damu bankiniñ basqaruşı direktorı Asqar Ämirtaev wlttıq keñestiñ qwramınan şığarıldı. Bwğan deyin belgili baspager Baqıtjan Bwqarbay öz erkimen keñes qwramınan şığatının mälimdegen edi.

Qoğamdıq birlestikter, ükimettik emes wyımdardıñ, BAQ ökilderi men belgili qoğam qayratkerleri, jetekşi sarapşılardan twratın Wlttıq qoğamdıq senim keñesi bıltır mausımda qwrılıp, küzde alğaşqı otırısı ötken bolatın. Desek te bwqara men biliktiñ arasın jaqındatıp, dialog alañın aynaladı degen platformağa senbeytin, kümänmen qaraytındar da bar. Olar mwnı «Toqaevtıñ wpay jinauına bola qwrılğan därmensiz alqa» dep sanaydı.

Wlttıq qoğamdıq senim keñesiniñ üşinşi otırısı osı jıldıñ säuirinde ötedi.

"The Qazaq Times"