Oyan, Qazaqstan jastarı öz qwjattarın keri qaytarudı talap etude. 3 naurız 2020 jıl. Foto: äleumettik jeliden

Äsem Japişevanıñ aytuınşa, policiya 1 naurız küni policiya Oyan, Qazaqstan azamattıq qozğalısınıñ 4 belsendisi Aydos Temirğaliev, Bauırjan Äzilhan, Fariza Ospan jäne Äliya Qasenovadan zañsız tartıp alğan jeke kuäligin bügin advokattıñ aralasuımen «äreñ» qaytarıp bergen.

– Biraq törteuine «bilik ökiline bağınbadı» degen ayıppen äkimşilik is qozğalğanın habarladı. Al bwl ayıp boyınşa 5 täulik qamau nemese 40 AEK ayıppwl qarastırılğan. Dese de advaokat tanısqan hattamada kafede otırğan jerinen wstaldı dep emes, «mitingke şıqqan jerinen wstaldı» dep jazılğan eken, – deydi Äsem Jäpişeva.

Aldağı uaqıtta qozğalıs müşelerine policiyadan şaqırtu kelui mümkin. Barlıq belsendi Almatı prokuraturasına zañsız wstağandıqtan arız jazıp jatır. Policiya Jäpişevanı «üyinen zañsız alıp ketken» jäne Aydos Temirğalievti «wrıp-soqqan».

1 naurız Qazaqstandağı demkoratiyalıq-oppoziciyalıq küşter birigip jalpıhalıqtıq mitingke şığatının mälimdegen edi. Osı küni arnayı jasaq Oyan, Qazaqstan jastarı üyinen jäne bwrınğı Furmanov pen Joldasbekov köşeleriniñ qiılısındağı qoğamdıq tamaqtanu ornınan küştep alıp ketken. Almatı qalasındağı ärtürli policiya bölimderine jetkizilgen 40-qa juıq qozğalıs müşesi keşke deyin bosatılğan.

Keşe işki ister ministri Erlan Twrğımbaev segiz qalada ötken mitinte bar bolğanı 80 adam wstalıp, törteui qamaldı dese,  https://www.facebook.com/groups/ActivistsNotExtremists/ jäne Qaharman  azamattıq qwqıq bastamaşıl tobı monitoringi boyınşa kemi 125 adam wstalğanın habarladı.

"The Qazaq Times"