Oyan, Qazaqstan جاستارى ءوز قۇجاتتارىن كەرى قايتارۋدى تالاپ ەتۋدە. 3 ناۋرىز 2020 جىل. فوتو: الەۋمەتتىك جەلىدەن

اسەم جاپيشەۆانىڭ ايتۋىنشا، پوليتسيا 1 ناۋرىز كۇنى پوليتسيا Oyan, Qazaqstan ازاماتتىق قوزعالىسىنىڭ 4 بەلسەندىسى ايدوس تەمىرعاليەۆ، باۋىرجان ءازىلحان، فاريزا وسپان جانە ءاليا قاسەنوۆادان زاڭسىز تارتىپ العان جەكە كۋالىگىن بۇگىن ادۆوكاتتىڭ ارالاسۋىمەن «ارەڭ» قايتارىپ بەرگەن.

– بىراق تورتەۋىنە «بيلىك وكىلىنە باعىنبادى» دەگەن ايىپپەن اكىمشىلىك ءىس قوزعالعانىن حابارلادى. ال بۇل ايىپ بويىنشا 5 تاۋلىك قاماۋ نەمەسە 40 اەك ايىپپۇل قاراستىرىلعان. دەسە دە ادۆاوكات تانىسقان حاتتامادا كافەدە وتىرعان جەرىنەن ۇستالدى دەپ ەمەس، «ميتينگكە شىققان جەرىنەن ۇستالدى» دەپ جازىلعان ەكەن، – دەيدى اسەم جاپيشەۆا.

الداعى ۋاقىتتا قوزعالىس مۇشەلەرىنە پوليتسيادان شاقىرتۋ كەلۋى مۇمكىن. بارلىق بەلسەندى الماتى پروكۋراتۋراسىنا زاڭسىز ۇستاعاندىقتان ارىز جازىپ جاتىر. پوليتسيا جاپيشەۆانى «ۇيىنەن زاڭسىز الىپ كەتكەن» جانە ايدوس تەمىرعاليەۆتى «ۇرىپ-سوققان».

1 ناۋرىز قازاقستانداعى دەمكوراتيالىق-وپپوزيتسيالىق كۇشتەر بىرىگىپ جالپىحالىقتىق ميتينگكە شىعاتىنىن مالىمدەگەن ەدى. وسى كۇنى ارنايى جاساق Oyan, Qazaqstan جاستارى ۇيىنەن جانە بۇرىنعى فۋرمانوۆ پەن جولداسبەكوۆ كوشەلەرىنىڭ قيىلىسىنداعى قوعامدىق تاماقتانۋ ورنىنان كۇشتەپ الىپ كەتكەن. الماتى قالاسىنداعى ءارتۇرلى پوليتسيا بولىمدەرىنە جەتكىزىلگەن 40-قا جۋىق قوزعالىس مۇشەسى كەشكە دەيىن بوساتىلعان.

كەشە ىشكى ىستەر ءمينيسترى ەرلان تۇرعىمباەۆ سەگىز قالادا وتكەن ميتينتە بار بولعانى 80 ادام ۇستالىپ, تورتەۋى قامالدى دەسە،  https://www.facebook.com/groups/ActivistsNotExtremists/ جانە Qaharman  ازاماتتىق قۇقىق باستاماشىل توبى مونيتورينگى بويىنشا كەمى 125 ادام ۇستالعانىن حابارلادى.

"The Qazaq Times"