Respublika alañındağı wstau sätinen. 1 naurız 2020 jıl. Foto: QT

1 naurız tüs kezinde policiya qorşauğa alğan Almatıdağı Respublika alañı mañında saqşılar ondağan adamdı wstadı.

Apta basındağı astanalıq azamattıq belsendi Dulat Ağadildiñ türme izolyatorında jwmbaq jağdaydağı öliminen keyin eldegi birqatar demokratiyalıq küşter men Qazaqstanda ekstremistik wyım retinde qızmeti şektelgen QDT wyımı köktemniñ alğaşqı küni jalpıhalıqtıq mitingige şığuğa şaqırğan. Keşeli beri Almatı qalası äkimdiginiñ aynalası temir şarbaqpen tolıq qorşalıp, saqaday say dayındıq jürip jatqan edi.

Oqiğa ornında redakciya tapsırmasımen jürgen tilşilerdiñ habarlauınşa, sağat 14:00-ge deyin alañ aumağınan 40-qa tarta azamat wstalıptı. Policiya Jeltoqsan men bwrınğı Furmanov köşelerinen Sätpaev köşesine öter twstı bögep, kölik tügili jayau jürginşilerdi ötkizbey jatır. Miting belgilengen jerge jetpey wstalğandar da bar. Sonıñ qatarında özin jurnalispin dep tanıstırğan Äsel Jañabay, «Dat» gazetter jobasınıñ jetekşisi, tanımal jurnalist Ermwrat Bäpi policeylerdiñ nısanasına ilikti. Ekeuin de saqşılar avtozakqa salıp äketti.

Alañğa öte almay jatqan jayau jürginşi. 1 naurız 2020 jıl. Foto: QT

Alañ aumağında jurnalisterdiñ jürip-twruına qayta-qayta kedergi keltirip, ärtürli şendiler tekserip jattı.

Oyan, Qazaqstan azamattıq qozğalısı sağat 15:00-de jariyalağan derek boyınşa, Almalı audanınıñ policiya bölimine 30-dan astam wyım müşeleri jetkizilgen. Äzirge anıqtalğan tizim:

Dil'da Ramazan
Asem Japişeva
Baurjan Sabitov
Janel' Şahanova
Oljas Şahanov
Marjan Ualihan
Seiljan Galiev
Anastasiya Filippova
Sımbat Omarkulova
Daniyar Ahmetjanov
Erbolat Aygak
Diana Duysembaeva
Ayjan Baytimbetova
Dina Bakraeva
Ayna Samatova
Darhan Şaripov
Rustam Kıpşakbaev
Ayzat Abil'seit
Tamina Ospanova
Nagaşıbek Bekdair
El'mira Koyşıbekova
Dinmuhammad Bekjan
Fariza Ospan
Dana Şaripova
Arina Osinovskaya
Aziza Esmagambetova
Aydana Sıdıkbekova
Eduard Kasımjanov

Vlast internet-jurnalınıñ qızmetkeri rejisser Daniyar Ahmetjanov (Adam Good) pen qasındağı operatorın Türkisib audanınıñ policiya departamentiniñ alıp ketkeni belgili boldı.

Bwğan deyin Amnesty International  halıqaralıq qwqıq qorğau wyımı 22 aqpan Qazaqstan biliginiñ köpe-körneu wstau äreketi jaylı mälimdeme jasap, Qazaqstandağı wstaudı «masqara», «wyat» dep bağaladı. Äri äkimşilik jüyeni senbidegi beybit miting kezinde qamalğan azamattardı dereu bosatuğa şaqırdı.

Alañ aumağında ädettegidey azamattıq kiim kiingen qwzırlı organ qızmetkerleri baqılap jür. Köbine közildirik tağıp, bas kiimmen jüretin olar ünemi raciya nemese qwlaqqap arqılı aqparat almasıp otıradı.

Täuelsizdik monumentiniñ aldına jinalğandardı äkimdiktiñ işki sayasat böliminiñ mamandarı men policeyler birneşe märte tekserdi. 

Özin kim ekenin tanıstırmaytın äkimdik ökili ärdayım BAQ ökilderiniñ kuälikterin swratıp, jii tekseruden jalıqqan emes.

22 aqpan küni ötken sanuciyalanbağan mitingte ayağında protezi barına qaramastan küştep äketilgen 60 jastağı Aynaş Jorabekova:

– Bizge mal siyaqtı qaraydı. Mügedekterge töleytin 40 mıñ teñge nege jetedi? Meniñ bastı talabım - mına bilik auıssın! Kim bolsa ol bolsın, bastısı, halıq qamın oylaytın, el müddesine jwmıs isteytin adam kelsin. 3700 teñge ayıppwl saldı, onı äli tölegem joq, – deydi.

Bügin şañqay tüste belsendi Säule Äbildahanqızın eki künnen beri añdıp kelgen 452 nömirli qara tüsti mersedestegi policey üyinen şıqqan boyda süyrelep alıp ketken.

Özin jurnalistpin dep atağan azamattı küştep avtozakqa salıp äketti.

Aynalanı arnayı jasaq toruıldap twr.

Frilanser jurnalisti "skanerleu" sätinen.

Wstau sätinen. 1 naurız 2020 jıl. Almatı. Foto: QT

Audandıq avtozaktardağı "auıstıru" operaciyası kezinde "Oyan, Qazaq" dep ayğaylağan belsendini jabıla wstau kezi.

Jayau jürginşilerdiñ alañ arqılı ötuine eşbir qwjatsız tıyım salıp twrğan policeyler.

"Dat" gazetter jobasınıñ bastığı Ermwrat Bäpi wstalıp otır delingen avtozaktıñ policeyleri işinde "eşkimniñ joq" ekenin aytsa da, jurnaliske qoñırau şalıp osı kölikte otırğanına köz jetkizdik.

Abay eskertkişiniñ tübindegi baqılau.

“The Qazaq Times”