Prezident pen bas prokuratura ökili Alğıs aytu küngi miting turalı

Qazaqstan bas prokurorınıñ orınbasarı Bolat Dembaev ädettegidey Dulat Ağadildiñ jwmbaq öliminen keyin türli oppoziciyalıq wyımdardıñ 1 naurızğa şaqırğan mitingilerin «zañsız» dep atap, jwrttı narazılıqqa şıqpauın eskertti.

Dembaevtıñ 28 aqpanda organ saytında jariyalanğan mälimdemesinde «äleumettik jelilerde zañsız akciyağa şığu turalı ündeu jäne äleumettik, wlttıq arazdıqtı qozdıru belgisi bar aqparattar» tarap jatqanı aytılğan. Vedomtsvo ökili «zañsız köpşilik is-şaralardı wyımdastıru-qatısu Äkimşilik kodekstiñ 488-babı, qaysibir tarapqa qandayda bir eleuli ziyan keltirilgen jağdayda Qılmıstıq kodekstiñ 400-babı boyınşa jauaptılıq közdelgenin» eske saladı.

Dembaev «äleumettik jäne wlttıq arazdıqtı qozdıru, körineu jalğan aqparat taratuğa jariya türde şaqıru zañmen tıyım salınğan jäne mwnday äreketter qılmıstıq tärtipte qudalanatınına nazar audaramız» dep eskertken.

Köktemniñ alğaşqı künimen twspa-tws keletin Alğıs aytu küni Qazaqstandağı ükimettik emes barlıq sayasi wyımdar men azamattıq qozğalıstar beybit şeruge şığatının jäne qoldaytının jariyalağan. Oyan, Qazaqstan jäne Respublika, ekstremistik wyım retinde tanılğan QDT men Dempartiya, Almatı belsendileri, Halıq qwrıltayı, Köşe partiyası...  jeksenbi küni sağat 12:00-de ortalıq alañdar men äkimdik aldına Dulat Ağadildiñ ölimine ayıptılardı jauapqa tartu, Nazarbaevtar otbasınıñ otstavkağa jiberu, tüpkilikti reforma, sayasi twtqındardı bosatıp, azamattıq közqarası üşin quğındaudı toqtatu, äleumettik ahualdı oñaltu talaptarı boyınşa beybit şeruge şığatının mälimdedi.   

Keşe «Halıq ünine qwlaq asatın memleket qwrudı» közdeytin prezident Toqaev Twitter-degi resmi parağında eskertu sipatındağı beybit jiındardı qoldaytının aytıp «beybit jiındar arnayı belgilengen jerlerde ötui tiis, Konstituciyağa qayşı keletin wrandarğa jol berilmeydi» dep jazdı.

"The Qazaq Times"