Soñğı bir jılda Qazaqstanda internet eldiñ sayasi ömiine baylanıstı jii bwğattala bastadı. Prezident Toqaev pen aqparat jäne kommunikaciya ministri Abaev. Körneki kollaj: QT

Myunhende memlekettik jwmıs saparımen jürgen prezident Toqaev Qazaqstandağı internetke qatıstı aqaudı qalıpqa keltirudi tapsırdı.

Bwl jöninde Aqordanıñ hatşısı, prezident baspasöz qızmetiniñ basşısı Berik Uäli facebook jelisindegi resmi parağında jazdı:

«Prezident Qasım-Jomart Toqaev Myunhende (Germaniya) jwmıs saparımen jürgende Qazaqstannıñ internet jelisindegi aqau jayında habardar boldı.
Memleket basşısı barlıq aqparattıq resurstardıñ jwmısın qalpına keltirudi tapsırdı».

Ötken aptanıñ beysenbisi, yağni 13 aqpan keşkisinen beri Qazaqstanda Telegram messendjerine hat almasu mümkindigi kidiriñkiredi. Tipti wyalı baylanıs operatorları men internet-provayderler arqılı qoldanu qiındadı. Är kezde ärqalay bolmaşı mezgilge, birneşe minut qana qoljetimdi boldı. Keyinnen qızmet qayta üzildi.

Al jeksenbide eldegi Google izdeu jüyesine, Gmail poştasına, YouTube videohostiñine kiru qiındap, Android twtınatın qazaqstandıqtardıñ PlayMarket qızmeti bwğattaldı. Tüs aua, sağat 15: 00-den keyin barlıq resurs qayta qoljetimdi boldı.

Bwl eldegi internettiñ birinşi ret bwğattaluı emes. Ärtürli özekti sayasi oqiğalar twsında nemese sankciyalanbağan jiın-mitingter kezinde eşqanday remi mälimdeme-eskertusiz internet qızmetin qoldanu qiındap, TOR resurstar bwğatalıp jatadı.

"The Qazaq Times"