Qazaqstan Respublikası Mädeniet jäne sport ministrligine qarastı QR Wlttıq kitaphanasınıñ N.Däuletova atındağı zalında Altın Ordanıñ 750 jıldığına arnalğan «Altın Orda memleketi – Wlı dala örkenieti» attı döñgelek üstel ötti.

Döñgelek üsteldiñ maqsatı — öskeleñ wrpaqqa ata-babamızdan mwra bolıp qalğan wlı dalamızda orın alğan tarihi oqiğalar men Qazaq dalasında osıdan segiz ğasır bwrın qwrılğan alıp imperiya Altın Orda memleketiniñ tarihın däriptep, tanıstıru.

Şaranı QR Wlttıq kitaphanasınıñ ğılımi hatşısı, Qazaqstan Jazuşılar odağınıñ müşesi Jünisbekov Bolat Jünisbekwlı aşıp, söz kezegin moderator – Ş.Ş. Uälihanov atındağı Tarih jäne etnologiya institutınıñ direktorı, tarih ğılımdarınıñ doktorı, professor Qabıldinov Ziyabek Ermwhanwlına berdi.

Döñgelek üstel ayasında Äl-Farabi atındağı Qazaq wlttıq universitetiniñ professorı Käribaev Bereket Baqıtjanwlı, professor Däulethan Älimğazı, tarihşı Qoygeldiev Mämbet Qwljabaywlı, PhD doktorı Jiger Jänäbilwlı, Üşkenov Ernar Mwratwlı, professor Izbayrov Asılbek Kärimwlı, professor Nwrmanov Äben Aldabergenwlı «Altın Orda memleketi – Wlı dala örkenieti» attı taqırıbında söz qozğap, tarihi derekterge toqtaldı.

Şara ayasında QR Wlttıq kitaphanası qorınan «Altın Orda memleketi – Wlı dala örkenieti» attı twraqtı kitap körmesi wyımdastırıldı.

Şarağa belgili qoğam qayratkerleri men ziyalı qauım ökilderi, tarihşılar men aqın - jazuşılar, kitaphana oqırmandarı men qızmetkerleri, Almatı qalası JOO-nıñ studentteri jäne BAQ ökilderi qatıstı.

"The Qazaq Times"