فوتو: http://novoetv.kz

قازاقستان رەسپۋبليكاسى مادەنيەت جانە سپورت مينيسترلىگىنە قاراستى قر ۇلتتىق كىتاپحاناسىنىڭ ن.داۋلەتوۆا اتىنداعى زالىندا التىن وردانىڭ 750 جىلدىعىنا ارنالعان «التىن وردا مەملەكەتى – ۇلى دالا وركەنيەتى» اتتى دوڭگەلەك ۇستەل ءوتتى.

دوڭگەلەك ۇستەلدىڭ ماقساتى — وسكەلەڭ ۇرپاققا اتا-بابامىزدان مۇرا بولىپ قالعان ۇلى دالامىزدا ورىن العان تاريحي وقيعالار مەن قازاق دالاسىندا وسىدان سەگىز عاسىر بۇرىن قۇرىلعان الىپ يمپەريا التىن وردا مەملەكەتىنىڭ تاريحىن دارىپتەپ، تانىستىرۋ.

شارانى قر ۇلتتىق كىتاپحاناسىنىڭ عىلىمي حاتشىسى، قازاقستان جازۋشىلار وداعىنىڭ مۇشەسى جۇنىسبەكوۆ بولات جۇنىسبەكۇلى اشىپ، ءسوز كەزەگىن مودەراتور – ش.ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى، تاريح عىلىمدارىنىڭ دوكتورى، پروفەسسور قابىلدينوۆ زيابەك ەرمۇحانۇلىنا بەردى.
⠀
دوڭگەلەك ۇستەل اياسىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى كارىباەۆ بەرەكەت باقىتجانۇلى، پروفەسسور داۋلەتحان الىمعازى، تاريحشى قويگەلديەۆ مامبەت قۇلجابايۇلى، PhD دوكتورى جىگەر ءجانابىلۇلى، ۇشكەنوۆ ەرنار مۇراتۇلى، پروفەسسور يزبايروۆ اسىلبەك كارىمۇلى، پروفەسسور نۇرمانوۆ ابەن الدابەرگەنۇلى «التىن وردا مەملەكەتى – ۇلى دالا وركەنيەتى» اتتى تاقىرىبىندا ءسوز قوزعاپ، تاريحي دەرەكتەرگە توقتالدى.
⠀
شارا اياسىندا قر ۇلتتىق كىتاپحاناسى قورىنان «التىن وردا مەملەكەتى – ۇلى دالا وركەنيەتى» اتتى تۇراقتى كىتاپ كورمەسى ۇيىمداستىرىلدى.
⠀
شاراعا بەلگىلى قوعام قايراتكەرلەرى مەن زيالى قاۋىم وكىلدەرى، تاريحشىلار مەن اقىن - جازۋشىلار، كىتاپحانا وقىرماندارى مەن قىزمەتكەرلەرى، الماتى قالاسى جوو-نىڭ ستۋدەنتتەرى جانە باق وكىلدەرى قاتىستى.

"The Qazaq Times"