Körneki suret. Qazaqstan prezidenti Qasım-Jomart Toqaev jäne Özbekstan prezidenti Şavkat Mirzieev

Qazaqstan men Özbeksatnnıñ aymaqaralıq ıntımaqtastığınıñ II forumında taraptar 52 kelisimge qol qoydı. Qorıtındı otırısqa 300-den asa adam, qatarında eki prem'er-ministrleri Asqar Mamin men Abdulla aripov qatıstı. Bwl turalı primeminister.kz saytı habarladı.

Qazaqstan tarapı Şımkent qalasındağı «Oñtüstik» AEA bazasında jeñil önerkäsip boyınşa Qazaqstan-Özbekstan klasterin qwru, Türkistan, Taşkent, Samarqan, Bwhara jäne Horezm oblıstarındağı turistik nısandar boyınşa birlesken turistik bağıttar aşu, köterme-taratu jäne agro-logistikalıq ortalıqtardı birlesip damıtudı wsındı.

«Qazaqstan üşin sizdiñ el – Oñtüstik Aziyağa şığu jolı, Özbekstan üşin bizdiñ aumaq – EAEO jäne Oñtüstik-Şığıs Aziya, Kavkaz ben Europa elderiniñ narığına şığu mümkindigi», – degen A.Mamin, «Soltüstik-Oñtüstik» däliziniñ infraqwrılımın qalıptastıru, sonday-aq Transkaspiy halıqaralıq kölik bağıtın damıtu boyınşa birlesken is-qimıldı jandandıru qajettigin atap ötti.

Forum soñında ekonomikalıq ıntımaqtastıqtı damıtu turalı 52 qwjatqa, onıñ işinde forumnıñ qorıtındı deklaraciyasına, sonday-aq maşina jasau, auıl şaruaşılığı, qarjı-bank, önerkäsip, infraqwrılım, farmacevtika jäne basqa da salalarda jalpı soması $500 mln juıq bolatın vedomstvoaralıq, aymaqaralıq jäne kommerciyalıq kelisimderge qol qoyıldı.

"The Qazaq Times"