قازاقستان مەن وزبەكستان ورتاق 52 كەلىسىمگە قول قويدى

قازاقستان مەن وزبەكساتننىڭ ايماقارالىق ىنتىماقتاستىعىنىڭ II فورۋمىندا تاراپتار 52 كەلىسىمگە قول قويدى. قورىتىندى وتىرىسقا 300-دەن اسا ادام، قاتارىندا ەكى پرەمەر-مينيسترلەرى اسقار مامين مەن ابدۋللا اريپوۆ قاتىستى. بۇل تۋرالى primeminister.kz سايتى حابارلادى.

قازاقستان تاراپى شىمكەنت قالاسىنداعى «وڭتۇستىك» اەا بازاسىندا جەڭىل ونەركاسىپ بويىنشا قازاقستان-وزبەكستان كلاستەرىن قۇرۋ، تۇركىستان، تاشكەنت، سامارقان، بۇحارا جانە حورەزم وبلىستارىنداعى تۋريستىك نىساندار بويىنشا بىرلەسكەن تۋريستىك باعىتتار اشۋ، كوتەرمە-تاراتۋ جانە اگرو-لوگيستيكالىق ورتالىقتاردى بىرلەسىپ دامىتۋدى ۇسىندى.

«قازاقستان ءۇشىن ءسىزدىڭ ەل – وڭتۇستىك ازياعا شىعۋ جولى، وزبەكستان ءۇشىن ءبىزدىڭ اۋماق – ەاەو جانە وڭتۇستىك-شىعىس ازيا، كاۆكاز بەن ەۋروپا ەلدەرىنىڭ نارىعىنا شىعۋ مۇمكىندىگى»، – دەگەن ا.مامين، «سولتۇستىك-وڭتۇستىك» ءدالىزىنىڭ ينفراقۇرىلىمىن قالىپتاستىرۋ، سونداي-اق ترانسكاسپي حالىقارالىق كولىك باعىتىن دامىتۋ بويىنشا بىرلەسكەن ءىس-قيمىلدى جانداندىرۋ قاجەتتىگىن اتاپ ءوتتى.

فورۋم سوڭىندا ەكونوميكالىق ىنتىماقتاستىقتى دامىتۋ تۋرالى 52 قۇجاتقا، ونىڭ ىشىندە فورۋمنىڭ قورىتىندى دەكلاراتسياسىنا، سونداي-اق ماشينا جاساۋ، اۋىل شارۋاشىلىعى، قارجى-بانك، ونەركاسىپ، ينفراقۇرىلىم، فارماتسەۆتيكا جانە باسقا دا سالالاردا جالپى سوماسى $500 ملن جۋىق بولاتىن ۆەدومستۆوارالىق، ايماقارالىق جانە كوممەرتسيالىق كەلىسىمدەرگە قول قويىلدى.

"The Qazaq Times"