Süriya aqını Adonis. Foto: ar-soft.ucoz.ru

AQŞ-ta qızmet etip, eñbegi bağalanğan jandarğa beriletin bwl sıyaqı «Özgeşe  erekşeligimen ülgi bolıp, mañday aldı şeberligimen daralanğanı üşin» beriledi.

28 - naurız küni N'yu-Yorkte süriyalıq aqın, essesit Adonisqa (şın atı Ali Ahmad Said Asbar) Amerikalıq Pen-klubtıñ Vladimir Nabakov atındağı arnayı silığı tabıs etildi .  Silıqtı tabıs etu räsimi  düysenbi küni Manhettendegi «Jaña mektep» (New School) urniversitetiniñ ğimarattında ötti.

87 jastı eñsergen  Adonis 20 dan astam kitabımen ayırıqşa mañızı bar «jaña poeziya» ökilderiniñ biri bolıp tabıladı.

50 mıñ AQŞ dollar kölemin qwraytın Nabokov atındağı silıq 2008 jılğa  deyin birattas halıqaralıq mañızı tömen sıylıq retinde tapsırılıp kelgen. Sondıqtan, ötken jıldan bastap sıylıqtıñ atauı özgertilip, jaña mände wyımdastırılıp keledi. Sıylıqtıñ  jazuşı Vladimir Nabokovtıñ  atımen ataluı jazuşığa degen qwrmetten ğana emes, sonımen qatar  «älemde etek jaya bastağan Ksenofiyağa  (beytanıs adamdardan qorquşılıq) damılsız qarsılıqtar körsete alğanı üşin» degen ıqılaspen de beriledi dep PEN-klub müşeleri bekitken. AQŞ-ta qızmet etip,eñbegi bağalanğan jandarğa beriletin bwl sıyaqı jazuşığa «Özgeşe  erekşeligimen ülgi bolıp, mañday aldı şeberligimen daralanğanı üşin» beriledi.

Talapkerlerdiñ ötkizgen jwmıstarı  «Nabakovtıñ köpqırlı talantımen qatar tüsip jän jazuşı salğan izdi jalğap, ädebiettegi aqiqattı izdeu jolındağı ülken läzzat sıylay aluı» kerektigin wyımdastıruşılar tilge tiek etti.
Sıylıqtı tapsıru saltanatı kezinde Amerikalıq PEN-klubtıñ basqa da jüldeleri tağayındaldı. «Üzdik kitap» kategoriyası boyınşa 75 mıñ AQŞ dolları auqımdı şığarmalarğa belgilenip, onı Liviyalıq jazuşı Hişama Matarğa avtobiografiyalıq «The Return: Fathers, Sons and the Land in Between» attı oçerkine berildi. Avtor bwl tragediyalıq eñbeginde  öziniñ japa şekken otbası turalı  äñgimeleydi. Liviyada diplomat bolıp jwmıs istegen äkesiniñ, bilikke Muammara Kaddafi kelgennen keyin amalsız dissidentke aynalğanın, keyinnen äkesi iz-tüzsiz joğalıp ketip, Liviyanıñ belgizsiz türmesinde qaytıs bolğanı turalı bayandaladı.
Al «Esse öneri »  kategriyası boyınşa  PEN-klubtıñ 10 mıñ dollarlıq jüldesi amerikalıq jazuşı Andjelo Moralestiñ «bizdiñ qalanıñ qızdarı» attı avtobiografilyalıq  äñgmesine tabıs etildi. Debyutti äñgmeler jinağı men povesti üşin 20 mıñ AQŞ dolları amerikalıq jazuşı Rion Skottqa « Köterilis» eñbegi üşin berildi.  Atalğan barlıq tört kategoriya boyınşa berilgen jüldelerdiñ negizgileri bolıp tabılıp, aradağı az-kem poeziyalıq jüldeler özge tilderge audarılatını turalı  habarlandı.

Şaranıñ ayaqtalar sätinde qorıtındı söz söylegen Amerikalıq PEN-klubtıñ atqaruşı direktorı Syuzanna Nossel', jinalğan qauımğa Bügingi sayasi kezeñde söz qwdireti jaña mänge ie bolğanın jäne sözben ziyan keltiruşiler bolsa, kerisinşe  sözben adamdarğa ruhani şipa berip, söz önerimen älemdi şındıqpen säulelendiruge tırısatının tilge tiek etti.  Amerikalıq PEN-klub ortalığı büginde  jüzdegen wlttıq  professional' jazuşılardıñ auqımdı birlestigi bolıp, halıqaralıq mañızı bar PEN-klub wyımdarınıñ qatarına kiredi.

Türgenbwlaq

“The Qazaq Times”