سۇريالىق اقىن امەريكالىق پەن-كلۋبتىڭ ارنايى سىيلىعىن الدى

اقش-تا قىزمەت ەتىپ، ەڭبەگى باعالانعان جاندارعا بەرىلەتىن بۇل سىياقى «وزگەشە  ەرەكشەلىگىمەن ۇلگى بولىپ، ماڭداي الدى شەبەرلىگىمەن دارالانعانى ءۇشىن» بەرىلەدى.

28 - ناۋرىز كۇنى نيۋ-يوركتە سۇريالىق اقىن، ەسسەسيت ادونيسقا (شىن اتى الي احماد سايد اسبار) امەريكالىق پەن-كلۋبتىڭ ۆلاديمير ناباكوۆ اتىنداعى ارنايى سيلىعى تابىس ەتىلدى .  سيلىقتى تابىس ەتۋ ءراسىمى  دۇيسەنبى كۇنى مانحەتتەندەگى «جاڭا مەكتەپ» (New School) ۋرنيۆەرسيتەتىنىڭ عيماراتتىندا ءوتتى.

87 جاستى ەڭسەرگەن  ادونيس 20 دان استام كىتابىمەن ايىرىقشا ماڭىزى بار «جاڭا پوەزيا» وكىلدەرىنىڭ ءبىرى بولىپ تابىلادى.

50 مىڭ اقش دوللار كولەمىن قۇرايتىن نابوكوۆ اتىنداعى سيلىق 2008 جىلعا  دەيىن ءبىراتتاس حالىقارالىق ماڭىزى تومەن سىيلىق رەتىندە تاپسىرىلىپ كەلگەن. سوندىقتان، وتكەن جىلدان باستاپ سىيلىقتىڭ اتاۋى وزگەرتىلىپ، جاڭا ماندە ۇيىمداستىرىلىپ كەلەدى. سىيلىقتىڭ  جازۋشى ۆلاديمير نابوكوۆتىڭ  اتىمەن اتالۋى جازۋشىعا دەگەن قۇرمەتتەن عانا ەمەس، سونىمەن قاتار  «الەمدە ەتەك جايا باستاعان كسەنوفياعا  (بەيتانىس ادامداردان قورقۋشىلىق) دامىلسىز قارسىلىقتار كورسەتە العانى ءۇشىن» دەگەن ىقىلاسپەن دە بەرىلەدى دەپ پەن-كلۋب مۇشەلەرى بەكىتكەن. اقش-تا قىزمەت ەتىپ،ەڭبەگى باعالانعان جاندارعا بەرىلەتىن بۇل سىياقى جازۋشىعا «وزگەشە  ەرەكشەلىگىمەن ۇلگى بولىپ، ماڭداي الدى شەبەرلىگىمەن دارالانعانى ءۇشىن» بەرىلەدى.

تالاپكەرلەردىڭ وتكىزگەن جۇمىستارى  «ناباكوۆتىڭ كوپقىرلى تالانتىمەن قاتار ءتۇسىپ ءجان جازۋشى سالعان ءىزدى جالعاپ، ادەبيەتتەگى اقيقاتتى ىزدەۋ جولىنداعى ۇلكەن ءلاززات سىيلاي الۋى» كەرەكتىگىن ۇيىمداستىرۋشىلار تىلگە تيەك ەتتى.
سىيلىقتى تاپسىرۋ سالتاناتى كەزىندە امەريكالىق پەن-كلۋبتىڭ باسقا دا جۇلدەلەرى تاعايىندالدى. «ۇزدىك كىتاپ» كاتەگورياسى بويىنشا 75 مىڭ اقش دوللارى اۋقىمدى شىعارمالارعا بەلگىلەنىپ، ونى ليۆيالىق جازۋشى حيشاما ماتارعا اۆتوبيوگرافيالىق «The Return: Fathers, Sons and the Land in Between» اتتى وچەركىنە بەرىلدى. اۆتور بۇل تراگەديالىق ەڭبەگىندە  وزىنىڭ جاپا شەككەن وتباسى تۋرالى  اڭگىمەلەيدى. ليۆيادا ديپلومات بولىپ جۇمىس ىستەگەن اكەسىنىڭ، بيلىككە مۋاممارا كاددافي كەلگەننەن كەيىن امالسىز ديسسيدەنتكە اينالعانىن، كەيىننەن اكەسى ءىز-ءتۇزسىز جوعالىپ كەتىپ، ليۆيانىڭ بەلگىزسىز تۇرمەسىندە قايتىس بولعانى تۋرالى باياندالادى.
ال «ەسسە ونەرى »  كاتەگرياسى بويىنشا  پەن-كلۋبتىڭ 10 مىڭ دوللارلىق جۇلدەسى امەريكالىق جازۋشى اندجەلو مورالەستىڭ «ءبىزدىڭ قالانىڭ قىزدارى» اتتى اۆتوبيوگرافيليالىق  اڭگمەسىنە تابىس ەتىلدى. دەبيۋتتى اڭگمەلەر جيناعى مەن پوۆەستى ءۇشىن 20 مىڭ اقش دوللارى امەريكالىق جازۋشى ريون سكوتتقا « كوتەرىلىس» ەڭبەگى ءۇشىن بەرىلدى.  اتالعان بارلىق ءتورت كاتەگوريا بويىنشا بەرىلگەن جۇلدەلەردىڭ نەگىزگىلەرى بولىپ تابىلىپ، اراداعى از-كەم پوەزيالىق جۇلدەلەر وزگە تىلدەرگە اۋدارىلاتىنى تۋرالى  حابارلاندى.

شارانىڭ اياقتالار ساتىندە قورىتىندى ءسوز سويلەگەن امەريكالىق پەن-كلۋبتىڭ اتقارۋشى ديرەكتورى سيۋزاننا نوسسەل، جينالعان قاۋىمعا بۇگىنگى ساياسي كەزەڭدە ءسوز قۇدىرەتى جاڭا مانگە يە بولعانىن جانە سوزبەن زيان كەلتىرۋشىلەر بولسا، كەرىسىنشە  سوزبەن ادامدارعا رۋحاني شيپا بەرىپ، ءسوز ونەرىمەن الەمدى شىندىقپەن ساۋلەلەندىرۋگە تىرىساتىنىن تىلگە تيەك ەتتى.  امەريكالىق پەن-كلۋب ورتالىعى بۇگىندە  جۇزدەگەن ۇلتتىق  پروفەسسيونال جازۋشىلاردىڭ اۋقىمدى بىرلەستىگى بولىپ، حالىقارالىق ماڭىزى بار پەن-كلۋب ۇيىمدارىنىڭ قاتارىنا كىرەدى.

تۇرگەنبۇلاق

“The Qazaq Times”