Erjanat Bayqabay wlınıñ şığarmaşılıq keşinde jır jinağınıñ twsauı kesildi. Foto: The Qazaq Times

25 naurız küni, Almatı qalasında Qıtaydağı eki millionğa juıq qazaqtıñ erke aqını Erjanat Bayqabay ata jwrtına ala kelgen şaşuı retinde «Jürekke tüsken jol» attı şığarmaşılıq keşin berdi.

Jambıl atındağı Memlekettik filarmoniyasında bolıp ötken şığarmaşılıq keşke tanımal öner jwldızdarı qatıstı. Keşti aqın Baqıt Bedelhan jürgizip, Qajımwrat Şeşenqwl, Nwrlan men Şaba, Aqqu men Gülnaz, Ziyat pen Bibigül, Janat Nwrswltan sındı önerpaz änşiler aqınnıñ sözine jazılğan bir qatar änder orındadı. Sonımen birge T.Jürgenov atındağı öner akademiyasınıñ studentteri keş iesiniñ öleñderin äserli kompoziciyamen ärledi. Keş iesi öziniñ tolğauları men öleñderinen körermenine şaşu şaştı.

Aqın Järken Bödeşwlı kitaptıñ twsauın kesip, avtorğa aq tilegin aqtardı. Foto: The Qazaq Times

 

Öleñ men önerdegi wstazdarı Qayrat Qwl-Mwhammed jäne Äbdiğani Bazilhanwlı ağaları da kitaptıñ twsauın kesip, sıy-qwrmetin körsetti.

Äbdiğni Bäziljanwlı Talğar audanı atınan arnayı alğıshat wsındı.

Keşte Erjanat Bayqabaydıñ «Jürekke tüsken jol» attı jır jinağınıñ twsauı kesildi. Qazaq poeziyasınıñ asqaq twlğalarınıñ biri Järken Bödeşwlı men Erjanattıñ öleñ men önerdegi wstazdarı aqın Qayrat Qwl-Mwhammed men Äbdiğani Bäzilhanwlı jäne Qazaqstan jazuşılar odağı törağasınıñ orınbasarı Janarbek Äşimjan kitaptıñ twsauın kesti.  Aqın Järken Bödeş Erjanatqa aq batasın berse, wstazı Qayrat Qwl-Mwhammed şäkirt inisine twlpar mingizdi. Äbdiğani Bazilhanwlı Talğar audanınıñ äkimdigi atınan arnayı alğıs hat tapsırdı. Jazuşılar odağı atınan Janarbek Äşimjan alğıs hat tapsırıp, alqau sözin söyledi. Düniejüzi qazaqtarı qaumdastığı atınan osı wyımnıñ jastar ortalığınıñ jetekşisi Talapbek Tınısbekwlı qwttıqtau hatın tapsırdı.  Aq şılauıştı äjeler twsauı kesilgen kitapqa jäne körermenge, qazaq dästürimen aq şaşu şaştı.

"Er Jänibek" halıqaralıq qoğamdıq qorınıñ prezidenti J.Türkiya Erjanat bauırına at mingizip şapan japtı. Foto: The Qazaq Ti,mes

Keş iesimen aytısker Şwğayıp Sezimhan körermenge bir maydan qızıqtı aytıs tartu etti. Keş soñında Erjanat öziniñ avtorlı änimen sahna şımıldığın japtı. Alqalağan äleumet Erjanatpen qwşaqtasa qol alısıp, estelik suretke tüsip, qimay qoştastı. Altaudıñ bauırında Altaydıñ asau aqını Erjanat Bayqabaydıñ şığarmaşılıq keşinde zal tolı adam aqınına razı bolıp tarastı.

“The Qazaq Times”