Körneki suret. Foto: aşıq derekköz

Memleket basşısı Toqaev Tarazdağı atışulı tragediyalıq oqiğadan keyin qala äkimin ornınan bosattı. 

Prezident Qasım-Jomart Toqaev Taraz mektepteriniñ birindegi därethanada 12 jastağı qızdı zorlau oqiğasınan keyin qala äkimi Qayrat Dosaevtı lauazımınan bosatudı bwyırdı. Toqaev Twitter paraqşasında Jambıl oblısınıñ äkimi Asqar Mırzahmetovke eskertu jasağanın da habarladı. Ol:

Toqaev öz jazbasında "Dosaev jwmısında jüyeli kemşilikter jibergen" dep te jazdı. Artınşa Jambıl oblısınıñ äkimdigi Dosaevtıñ jwmıstan bosatılğanın, onıñ orınbasarı Beysenbek Janbosınov äkim mindetin uaqıtşa atqaratının habarladı.

– Jambıl oblısınıñ äkimine Tarazdağı 12 jastağı mektep oquşısı zardap şekken oqıs oqiğağa baylanıstı jäne jwmısında jüyeli kemşilikter jibergeni üşin Taraz qalasınıñ äkimin qızmetinen bosatudı tapsırdım. Oblıs äkimine eskertu jasadım, – dedi.

Qayrat Dosaev Taraz qalasınıñ äkimi bolıp biıl säuirde ğana tağayındalğan.

Qaraşa ayınıñ ortasında Tarazda er adam mektepterdiñ birinde auladağı därethanağa sabaq kezinde swranıp şıqqan 7-sınıp oquşısın zorlağan. Bwl oqiğadan keyin mekteptiñ birneşe qızmetkeri jwmıstan quılğan. Policiya 38 jastağı er adamnıñ wstalğanın, onıñ bwrın da zorlıq qılmısımen sottalğanın habarladı.

Qazaqstanda äzirge 2300 mekteptiñ oquşılarğa arnalğan därethanası sırtqı aulada, oqu ob'ektisinen tıs ornalasqan.

"The Qazaq Times"