Foto: aljazeera.com

Iordaniyada zorlau faktisi üşin ayıptalğandardı öz qwrbandarına üylengen jağdayda jazadan bosatatın zañ küşin joydı. Bwl turalı Äl-Jazira (AL-Jazeera) aqparattıq agenttigi jazadı. 

2016 jıldıñ qazan ayında Iordaniya koroli Abdulla II arnayı komitetke sot jüyesin reformalap, 1960 jıldan beri kele jatqan Qılmıstıq Kodeksti qayta qarau turalı tapsırma bergen bolatın.

Osı tapsırmanıñ ayasında, qoğam belsendileriniñ pikiri eskerilip, Qılmıstıq Kodeksten zorlau faktisine kinäli azamat öz qwrbanına üylenip, onımen eñ kemi 3 jıl birge twrğan jağdayda, özine tağılğan ayıptardan bosaytını qarastırılğan 308 baptıñ küşi joyıldı.

Iordaniyadağı jartılay memlekettik  "Äyelder isi jönindegi Wlttıq komissiya" wyımınıñ bas hatşısı Sal'ma Nims: "Bügin Iordaniya üşin tarihi mañızdı kün. 308-baptıñ Qılmıstıq Kodeksten alınıp tastaluı - qwqıq qorğau organdarı men qoğamdıq birlestikterdiñ, memleket pen azamattıq qoğamnıñ birlesken jwmısınıñ nätijesi", - dedi.

Köp jıldar boyı atalğan baptı äyel adamnıñ arın saqtaudağı mañızdı qwral köretinder men adam qwqığı üşin küresetinder arasındağı qızu talqığa negiz bolıp keldi. Parlamenttiñ şeşimi şığarılğanşa, ğimarat sırtında äyel qwqıqtarınıñ qorğaluına müddeli top beybit şeru wyımdastırdı.

Endi atalğan şeşimdi Parlament Senatı qoldasa, qwjat Iordaniya koroli Abdulla II qol qoyuına jiberiledi.

Ötken aptada  Tuniste de osığan wqsas şarağa tıyım salınıp, "Kez kelgen zorlıq-zombılıq äreketi qatañ jazağa layıq" degen mälimdeme jasalğan edi.

“The Qazaq Times”