Qazaqstan Bas prokurorınıñ orınbasarı Marat Ahmetjanov . Foto: QR Parlamentiniñ mäjilisi

Bügin mäjilis jiınında bas prokuratura ökili Marat Ahmetjanov Qılmıstıq kodekske engiziletin tüzetuler men tolıqtırulardı tanıstırdı.

Bügin Parlament mäjilisiniñ plenarlı otırısınıñ birinşi oqılımında «QR-nıñ keybir zañnamalıq aktilerine qılmıstıq jäne qılmıstıq procestik zañnamanı jetildiru mäseleleri boyınşa özgertuler men tolıqtırular engizu turalı» zañ jobası qarastırıldı.  Minberge şıqqan Qazaqstan Bas prokurorınıñ orınbasarı Marat Ahmetjanov qılmıstıq zañnamanı jetildiru boyınşa birqatar tüzetulerdi tanıstırdı. Oqılımnan keyin deputattar zañ jobasın birauızdan maqwldadı.

2014 jılı qayta qabıldanğan Qılmıstıq kodekste körsetilgen qılmıs sanattarın qarau közdelgen.

«Egemendik jıldarı qamauda otırğan adamdardıñ sanı 70 mıñğa azaydı» degen general-mayor  vedomstvonıñ qılmıstıq zañ qataldığın azaytıp, jeñil äri orta qılmıstarğa köñil bölgenin mälimdedi.

Ol tüzetuler negizinen 3 bağıtta äzirlengenin habarladı.

– Qasaqana qılmıstar üşin jauaptılıqtı küşeytu – menşikke qatıstı wrlıq, tonau, qaraqşılıq auır qılmıstar sanatına ötpek. Bwdan bılay wrlıqta tatulasu bolmaydı, yağni keşirim berse de zañ jauaptılığı jeñildetilmeydi, – dedi zañger Ahmetjanov.

Jınıstıq qılmıstar boyınşa jauaptılıq jaña sipatta qarastırıladı. Zorlau da auır qılmıs sanatına köşedi. 14 jasqa tolmağan balalarmen jınıstıq qatınasqa tüsken pedofilder 20 jılğa nemese ömir boyına bas bosandığınan ayırıluı mümkin.

Sonımen qatar bas prokuratura ökili el işinde barımtanıñ köbeyip ketkenin ayıptap, oğan qamqorlıq tanıtatın şeneunikter men qwqıq qorğau organdarı müddeli ekenine basa män berdi. Taldau procesindegi zañ jobasında wrlıq üşin 5 jıldan 12 jılğa deyin jaza közdelude.

Bwdan bölek qorğauğa alınğan januarlar men ösimdik älemine qatıstı qılmıstar da auırlığı orta qılmıstar sanatına kirmek. Qazir 50 täulik bolsa, alda 4 jılğa deyin jaza qoldanılmaq. Ayıppwl bügingi 5 mıñnan 10 million teñgege deyin ösedi. Eger qılmıs tabiği qorıq aumağında nemese qızıl kitapqa engen sub'ektige baylanıstı iske asqan jağdayda 6 jılğa deyin bas bostandığınan ayırıladı. Al asa iri brokonerlik qılmısqa 10 jıl jaza tağayındalmaq.

Tolıqtırular qatarında kölik qwraldarın tizgindeu mäselesi de ataldı. Qoldanıstağı zañ boyınşa mas-sau bolmasın kisini qağıp, öltirgen jürgizuşige jaza birdey, arı ketkende 5-aq jıl deydi Marat Mwratwlı. Ol:

– Endi mas küyinde jasalğan osınday qılmısqa 10 jılğa deyin bas bostandığınan, qala berdi ömir boyı kölik aydau qwqığınan ayırıladı. Al mas küyde kölik aydağanı şin 30 täulikke deyin äkimşilik qamau merzimi wzartılıp, jürgizu qwqığınan ayıru dedlaynı 8 jılğa deyin wlğaymaq,  – dedi.

Jazanı qataytu arqılı profilaktikanı küşeytu bağıtında qaralğan zañ jobasında esirtkiniñ internettegi erkin aynalımı da söz boldı. Qoğamnıñ qarsılığın tudırğan ötkir mäselelerdiñ meyilinşe qatañ jaza türinde qayta qaraluı qanşalıqtı tiimdi boları uaqıt enşisinde.

"The Qazaq Times"