مەملەكەت باسشىسى توقاەۆ تارازداعى اتىشۋلى تراگەديالىق وقيعادان كەيىن قالا اكىمىن ورنىنان بوساتتى.
پرەزيدەنت قاسىم-جومارت توقاەۆ تاراز مەكتەپتەرىنىڭ بىرىندەگى دارەتحانادا 12 جاستاعى قىزدى زورلاۋ وقيعاسىنان كەيىن قالا اكىمى قايرات دوساەۆتى لاۋازىمىنان بوساتۋدى بۇيىردى. توقاەۆ Twitter پاراقشاسىندا جامبىل وبلىسىنىڭ اكىمى اسقار مىرزاحمەتوۆكە ەسكەرتۋ جاساعانىن دا حابارلادى. ول:
توقاەۆ ءوز جازباسىندا "دوساەۆ جۇمىسىندا جۇيەلى كەمشىلىكتەر جىبەرگەن" دەپ تە جازدى. ارتىنشا جامبىل وبلىسىنىڭ اكىمدىگى دوساەۆتىڭ جۇمىستان بوساتىلعانىن، ونىڭ ورىنباسارى بەيسەنبەك جانبوسىنوۆ اكىم مىندەتىن ۋاقىتشا اتقاراتىنىن حابارلادى.
– جامبىل وبلىسىنىڭ اكىمىنە تارازداعى 12 جاستاعى مەكتەپ وقۋشىسى زارداپ شەككەن وقىس وقيعاعا بايلانىستى جانە جۇمىسىندا جۇيەلى كەمشىلىكتەر جىبەرگەنى ءۇشىن تاراز قالاسىنىڭ اكىمىن قىزمەتىنەن بوساتۋدى تاپسىردىم. وبلىس اكىمىنە ەسكەرتۋ جاسادىم، – دەدى.
قايرات دوساەۆ تاراز قالاسىنىڭ اكىمى بولىپ بيىل ساۋىردە عانا تاعايىندالعان.
قاراشا ايىنىڭ ورتاسىندا تارازدا ەر ادام مەكتەپتەردىڭ بىرىندە اۋلاداعى دارەتحاناعا ساباق كەزىندە سۇرانىپ شىققان 7-سىنىپ وقۋشىسىن زورلاعان. بۇل وقيعادان كەيىن مەكتەپتىڭ بىرنەشە قىزمەتكەرى جۇمىستان قۋىلعان. پوليتسيا 38 جاستاعى ەر ادامنىڭ ۇستالعانىن، ونىڭ بۇرىن دا زورلىق قىلمىسىمەن سوتتالعانىن حابارلادى.
قازاقستاندا ازىرگە 2300 مەكتەپتىڭ وقۋشىلارعا ارنالعان دارەتحاناسى سىرتقى اۋلادا، وقۋ وبەكتىسىنەن تىس ورنالاسقان.
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى