Majarstan (Vengriya) biligi köpwlttı sayasatqa qatıstı mälimdeme jasap, qanday jağday bolmasın Europalıq odaq qwramınan şıqpaytının ayttı. Bwl turalı «eadaily.com» agenttigi eldiñ prem'er-ministri Viktor Orbannıñ mälimdemesine silteme jasap habarladı.

Soñğı jıldarı orın alğan migraciyalıq qaqtığıstarğa qaramastan, Budapeşt Bryussel'men diplomatiyalıq baylanısın üzbeytin boldı. Sonday-aq Orbannıñ bwqaralıq aqparat qwraldarın, sot jüyesin jäne akademiyalıq instituttardı baqılauda wstaytın basqaru bağıtın Euroodaq qwptamaytındığın bildirgen. Vengriya prem'eriniñ osınday wstanımınan keyin memleket Wlıbritaniyanıñ izinşe Odaqtan ketedi degen qaueset te payda bolğan edi. Eldiñ prem'er-ministri Viktor Orban: «Biz Europalıq Odaqtıñ müşesimiz jäne onıñ qwramında qalamız. Öz elderin köpwlttı memleketke aynaldırğısı kelse, ol özderiniñ şeşimderi. Biraq bizdiñ otanımızda tek vengrler twrıp, tek özderi ğana şeşim qabıldauı kerek», – deydi.

Bıltır şildede Eurokomissiya Europa Odağınıñ sotına Majarstannıñ (Vengriya) üstinen şağım tüsirgen. Eurokomissiyanıñ bwl şeşimine Majar ükimetiniñ antimigraciyalıq zañdar jinağın qabıldauı sebep bolğan. Euroodaq zañına qayşı keletinin eskertkenine qaramastan, Majarstan bosqındardı qabıldauğa qatıstı zañğa qol qoyğan. Sol sebepti Eurokomissiya Majarstanğa tügeldey bolmasa da, EO zañdarına säykes kelmeytin twstarın alıp tastaudı talap etip, resmi türde eskertu joldağan. Osığan baylanıstı pikir bildirgen EO-nıñ Byudjet mäseleleri jönindegi eurokomissarı Gyunter Ettinger: «Pol'şa, Rumıniya, Vengriya jäne Italiya bilikteri Europa Odağın älsiretudi, odan äri onı mülde taratudı özderine maqsat etken», – dedi.

"The Qazaq Times"