10 qırküyek Almatı uaqıtımen keşkilik sağat 20:00 şamasında Qazaqstan Prezidenti Qasım-Jomart Qıtay Halıq Respublikasına memlekettik saparmen bardı.

Memleket basşısı Beyjiñde Qazaqstan-Qıtay iskerlik keñesiniñ VI otırısınıñ aşıluına qatısadı jäne Qıtay qoğamdıq ğılımdar akademiyasında däris oquı josparlanğan. El prezidenti Toqaev QHR Törağası Si Czin'pinmen, QHR Memlekettik keñesiniñ Prem'eri Li Kecyanmen jäne Qıtaydıñ birqatar sayasi jäne iskerlik toptarımen kelissöz ötkizedi.

Qazaqstan basşısınıñ Qıtayğa jasağan eki kündik saparınıñ ayasında Hançjou qalasına da barıp, innovaciyalıq önimderdi älemdik narıqqa şığaru boyınşa köşbasşı «Hikvision» kompaniyasınıñ jwmısımen tanısadı. Sonımen qatar bağdarlama boyınşa «Alibaba» kompaniyasınıñ keñsesine barıp, Djek Mamen kezdesu josparlanğan.

Esteriñizge sala ketsek, qırküyektiñ 9-ı prezident Qasım-Jomart Toqaev 11-12-si künderine josparlanğan QHR-ğa memlekettik saparı qarsañında Qıtaydıñ CCTV telearnasına qazaqşa jäne qıtay tilinde swhbat bergen edi. Qıtay – Qazaqstanğa eñ köp investiciya salğan - törtinşi, eñ köp qarız beruşi üşinşi el. Elimiz Qıtay aldında 2018 jılğı esep boyınşa 12 milliard dollar bereşek.

Qırküyektiñ basınan beri el aumağında Qıtaylıq «55 jobanıñ Qazaqstanda jüzege asuına, «Qıtay ekspansiyasına» qarsılıq akciyaları ötip jatır.  Onnan astam qala men audan-oblıstardı qamtığan narazılıqtarda belsendiler tarapınan «Qıtaymen qarım-qatınastı şekteu», «Toqaevtıñ is-sapardan bas tartuın», «Qazaqstanda salınatın qıtaylıq 55 jobanıñ toqtatıluın», «Qıtaydan qarız-nesie almauın» talap etken bolatın. Eldegi Qıtayğa qarsı narazılıq köñil-küydiñ örşip twrğanına qaramastan Toqaev resmi saparınan bas tartqan joq.

Qazaqstan prezidentin kütip alu şarası. 10 qırküyek 2019 jıl. Foto: Berik Uäli

Qazaqstan basşısı Toqaev Qıtayğa resmi saparmen bardı. 10 qırküyek 2019 jıl. Foto: Berik Uäli

Toqaev Qıtaydıñ CCTV telearnasına arnayı ekslyuzivti swhbat berdi. 9 qırküyek 2019 jıl. Foto: Berik Uäli

Toqaev Qıtaydıñ CCTV telearnasına QHR-nıñ 70 jıldıq mereytoyımen qwttıqtap qazaqşa jäne qıtay tilinde swhbat berude. 9 qırküyek 2019 jıl. Foto: Berik Uäli

"The Qazaq Times"