Elordada memlekettik hatşı Marat Täjinniñ törağalığımen Abay Qwnanbaywlınıñ 175 jıldıq mereytoyına dayındıq jäne onı ötkizu jönindegi memlekettik komissiyanıñ otırısı ötti.

Marat Täjin Abay Qwnanbaywlınıñ 175 jıldıq mereytoyın dayındau jäne ötkizu jönindegi Memlekettik kommissiya prezidentke joldanatın bastı üş wsınısın mälimdedi:

Semey qalasınıñ äuejayına Abay esimin beru jäne Ädebiet jäne öner salasındağı memlekettik sıylıqtı Abaydıñ memlekettik sıylığı dep özgertu, şetelderdegi Qazaqstannıñ elşilikteri negizinde «Abay ortalıqtarın» qwru bastamaları söz boldı.

Mereytoy barısında «Abay-Şäkärim» mavzoley keşeni, Abaydıñ muzey üyi, Qwnanbay qajı äuletiniñ qorımı qayta jöndeuden ötkizilip, zaman talaptarına qaray türlenbek. Daniyal Ahmetovtıñ sözinşe, oblıs äkimdigi Abay audanındağı birneşe kürejoldar liniyaların jöndeu jwmıstarın jürgizudi josparlap otır.

Komissiya müşeleriniñ aytuınşa, aldağı uaqıtta respublikalıq äraluan şığarmaşılıq odaqtardıñ kün tärtibine Abay jäne onıñ mwrası taqırıbı engizilip, jaña tuındılarğa arqau boluına erekşe män berilui tiis. «Abaytanu» boyınşa beyne jäne audio därister toptaması äzirlenip, «Abay älemi» portalı jañğırtılatın boladı. Sonımen qatar, elimizdiñ barlıq JOO-da «Abay oquları», konferenciyalar men simpoziumdar, poetikalıq jäne ädebi festival'dar, konkurstar men olimpiadalar ötkiziledi. Ğılımi jwmıstardı jüyeleu üşin EWU janınan «Abay akademiyası» qwrıladı, sonday-aq abaytanu boyınşa ğılımi granttar kölemi wlğaytıladı. Halıqaralıq mädeni baylanıstı küşeytu maqsatında "Abay" operası birqatar şetelderde gastrol'dik saparmen qoyıladı dep kütilude. Osığan deyin el prezidenti  Q.Toqaev alğaşqı Qazaqstan halqına joldauında äl-Farabi, Abay, Altın Orda memleketiniñ mereytoyların atap ötude ısırapşıldıqqa jol berilmeu kerektigin eskertken edi.

Abay Qwnanbaywlınıñ 175 jıldıq mereytoyın dayındau jäne ötkizu jönindegi Memlekettik kommissiyasınıñ otırısı. 9 qırküyek 2019 jıl. Astana. Foto: aşıq derekköz

"The Qazaq Times"