Qazaqstannıñ bas ideologtarınıñ biri bolğan Marat Täjin. Foto: Sputnik / Bolat Şayhinov

Marat Täjin Qazaqstannıñ Çehiyadağı elşisi bolıp tağayındaldı.

Aqorda habarlamasında «Memleket basşısınıñ jarlığımen Marat Mwhanbetqazıwlı Täjin Qazaqstan Respublikasınıñ Çeh Respublikasındağı tötenşe jäne ökiletti elşisi qızmetine tağayındaldı», – delingen.

Täjin biıl 24 naurız ben 18 qırküyek aralığında memlekettik hatşı qızmetin atqarğan edi.

Marat Täjin 1960 jılı 8 säuirde Aqtöbe qalasında düniege kelgen.  1981 jılı Almatıdağı halıq şaruaşılıq institutında «ekonomist» mamandığı boyınşa bilim alğan ideolog-şeneunik bügingi tañda äleumettanu ğılımdarınıñ doktorı, professor. Ol Wlıbritaniyadağı London universitetinde täjiribe alğan. 1994-1995 jıldarı QR Prezidentiniñ Memlekettik keñesşisi bolğan.1999-2001 jıldarı Prezidenttiñ wlttıq qauipsizdik mäseleleri jönindegi kömekşisi – QR Qauipsizdik Keñesiniñ hatşısı bolğan. 2001 jılı Wlttıq qauipsizdik komitetin basqardı. Marat Täjin osığan deyin de Prezident äkimşiliginiñ birinşi orınbasarı qızmetin 2002 jıldıñ tamız ayınan 2006 jıldıñ säuir ayına deyin atqarğan. Sırtqı ister ministri (2007-2009) jäne Qazaqstannıñ Reseydegi elşisi (2014-2017) bolğan. Ol Qazaqstannıñ ideologiyalıq sayasatında bastı röl atqarğan twlğalardıñ biri. Sonday-aq «Ruhani jañğıru» bağdarlamasın äzirleu jäne iske asıru jobasına qatısqan.

"The Qazaq Times"