Jaña qızmetke tağayındalğan äkim-qaralar.

Naurız – jaña jıldıñ alğaşqı küni sayasi arenadağı aytaqalsın jañalıqtarmen bastaldı. Olay deytimiz, bügin birneşe oblıstıñ äkimderi irkes-tirkes auıstırıldı.

Alğaşqılardıñ biri bolıp, Qarağandı oblısınıñ äkimi tağayındaldı. Öñir basşılığına osığan deyin Ükimet keñsesiniñ jetekşisi bolğan Erlan Jaqanwlı Qoşanov tağayındaldı. Jaña äkimdi oblıs jwrtşılığına Prezidenttiñ özi tanıstardı. Eske sala ketsek, N.Nazarbaev Qarağandı oblıstıq mäsilihatınıñ Sessiyasına qatısıp jatqan bolatın.

Al, Aqmola oblısına äkim bolıp, Mälik Mwrzalin tağayındaldı. 1971 jılı ömirge kelgen jas sayasatker bwğan deyin  Qazaqstannıñ Reseydegi elşili ginde jäne Soltüstik Qazaqstan oblısı äkimşiligi apparatınıñ jetekşisi, oblıs äkiminiñ orınbasarı, birinşi orınbasarı qızmetterin atqarğan.

Soltüstik Qazaqstan oblısına da jaña äkim tağayındaldı. Öñirdiñ jaña basşısın Prezident äkişiligi jetekşisi Ädilbek Jaqsıbekov tanıstırdı. Soltüstiktegi oblıstı osığan deyin Prezident äkimşiligi jetekşisiniñ orınbasarı lauazımında bolğan Qwmar Aqsaqalov basqaratın boladı.

Äkimi auısqan oblıstıñ qatarında Mañğıstau da bar. Bwl öñirge jañadan äkim bolğan Eralı Toğjanovtı Aqtauğa jwmıs saparımen barğan ükimet basşısı Baqıtjan Sağıntaevtıñ özi tanıstardı. E.Toğjanov osığan deyin Qazaqstan Halqı assambleyası hatşılığınıñ meñgeruşisi qızmetinde bolğan.

Orın bosatqan äkimderdiñ işinde Qarağandı oblısın basqarğan Nwrmwhambet Äbdibekov, endi Esep komitetiniñ törağası bolıp tağayındaldı.

Al, Qazaqstan halqı Assambleyası Törağasınıñ orınbasarı bolıp Darhan Mıñbay tağayındaldı

«The Qazaq Times»