ناۋرىز – جاڭا جىلدىڭ العاشقى كۇنى ساياسي ارەناداعى ايتاقالسىن جاڭالىقتارمەن باستالدى. ولاي دەيتىمىز، بۇگىن بىرنەشە وبلىستىڭ اكىمدەرى ىركەس-تىركەس اۋىستىرىلدى.

العاشقىلاردىڭ ءبىرى بولىپ، قاراعاندى وبلىسىنىڭ اكىمى تاعايىندالدى. ءوڭىر باسشىلىعىنا وسىعان دەيىن ۇكىمەت كەڭسەسىنىڭ جەتەكشىسى بولعان ەرلان جاقانۇلى قوشانوۆ تاعايىندالدى. جاڭا اكىمدى وبلىس جۇرتشىلىعىنا پرەزيدەنتتىڭ ءوزى تانىستاردى. ەسكە سالا كەتسەك، ن.نازارباەۆ قاراعاندى وبلىستىق ءماسىليحاتىنىڭ سەسسياسىنا قاتىسىپ جاتقان بولاتىن.

ال، اقمولا وبلىسىنا اكىم بولىپ، مالىك مۇرزالين تاعايىندالدى. 1971 جىلى ومىرگە كەلگەن جاس ساياساتكەر بۇعان دەيىن  قازاقستاننىڭ رەسەيدەگى ەلشىلى گىندە جانە سولتۇستىك قازاقستان وبلىسى اكىمشىلىگى اپپاراتىنىڭ جەتەكشىسى، وبلىس اكىمىنىڭ ورىنباسارى، ءبىرىنشى ورىنباسارى قىزمەتتەرىن اتقارعان.

سولتۇستىك قازاقستان وبلىسىنا دا جاڭا اكىم تاعايىندالدى. ءوڭىردىڭ جاڭا باسشىسىن پرەزيدەنت اكىشىلىگى جەتەكشىسى ادىلبەك جاقسىبەكوۆ تانىستىردى. سولتۇستىكتەگى وبلىستى وسىعان دەيىن پرەزيدەنت اكىمشىلىگى جەتەكشىسىنىڭ ورىنباسارى لاۋازىمىندا بولعان قۇمار اقساقالوۆ باسقاراتىن بولادى.

اكىمى اۋىسقان وبلىستىڭ قاتارىندا ماڭعىستاۋ دا بار. بۇل وڭىرگە جاڭادان اكىم بولعان ەرالى توعجانوۆتى اقتاۋعا جۇمىس ساپارىمەن بارعان ۇكىمەت باسشىسى باقىتجان ساعىنتاەۆتىڭ ءوزى تانىستاردى. ە.توعجانوۆ وسىعان دەيىن قازاقستان حالقى اسسامبلەياسى حاتشىلىعىنىڭ مەڭگەرۋشىسى قىزمەتىندە بولعان.

ورىن بوساتقان اكىمدەردىڭ ىشىندە قاراعاندى وبلىسىن باسقارعان نۇرمۇحامبەت ابدىبەكوۆ، ەندى ەسەپ كوميتەتىنىڭ توراعاسى بولىپ تاعايىندالدى.

ال، قازاقستان حالقى اسسامبلەياسى توراعاسىنىڭ ورىنباسارى بولىپ دارحان مىڭباي تاعايىندالدى

«The Qazaq Times»