Japoniya prem'er-ministri Sindzo Abe jäne Resey prezidenti Vladimir Putin. Foto: https://regnum.ru

Resey Sırtqı ister ministrligi Japoniya elşisi Toehise Kodzukige Kuril araldarında orın alğan jağdayğa baylanıstı qarsılıq notasın tabıstadı. Bwl turalı japoniyalıq Kiodo agenttigi habarladı.

Resey tarabınıñ aytuınşa, Kurildiñ oñtgüstik aymağında vizasız rejimdi qoldanu erejeleri bwzılğan. Mäskeu taratqan mälimdemede: «Kuril araldarınıñ basım böligi Sahalin oblısı sanalatındıqtan, biz Japoniyanıñ osı uaqıtqa deyingi narazılığın qabıldamaymız. Resey basşılığı ökilderiniñ Sahalin oblısınıñ osı audanına baruına, sonday-aq onda türli is-şaralar, onıñ işinde äleumettik-ekonomikalıq jäne qorğanıs bağıtındağı şaralardı ötkizuge 'olıqtay qwqılı. Al resmi Tokionıñ tüsiniktemesin Reseydiñ işki isterine aralasu dep bilemiz», – delingen.

2 tamızda Kuril araldarına reseylik şendiler basqaru tobımen barğannan keyin, Japoniya Sırtqı ister ministrligi Mäskeuge narazılıq hatın joldağan bolatın. Bwğan qatıstı pikir bildirgen Resey prem'er-ministri Dmitriy Medvedev: «Japon halqınıñ narazılığı bizdiñ eş alañdauşılığımızdı tuğızbaydı. Kuril araldarı Resey jerine tiesili. Araldar Sahalin oblısına kiredi. Sol sebepti reseylikterdiñ ol jaqqa baruğa tolıqtay qwqığı bar», – dep jauap berdi. Al 5 tamızda Resey äskerleriniñ Kuril araldarı mañında (Kunaşir) äskeri oqu-jattığu ötkizgenine baylanıstı Tokio narazılıq hatın joldağan. Alayda, Resey Japoniyanıñ bwl jolğı narazılığın da «negizsiz» dep tanıdı.

Japoniya men Resey arasındağı ıntımaqtastıq kelisimge 70 jıldan beri qol qoyılmay keledi. YAğni eki el Ekinşi düniejüzilik soğıstan keyin arnayı kelisimşart jasasqan joq. Japoniya jäne Resey 1855 jıldıñ 7 aqpanında Iturup jäne Urup araldarınıñ arasındağı şekaranı anıqtaytın birinşi orıs-japon kelisimşartına (Simod traktatı) qol qoydı. Ekinşi düniejüzilik soğıs kezeñinen keyin taraptar resmi kelisimşartqa qol jetkize almay keledi. Japoniya prem'er-ministri Sindzo Abe men Resey prezidenti Vladimir Putin osı mäselege qatıstı 2012 jıldan beri birneşe ret kezdesu wyımdastırğan. Biraq, kezdesulerdiñ eşqaysısı oñ nätije bergen joq.

"The Qazaq Times"