WQK qauipsizdik sertifikatın Qasım-Jomart Toqaevtıñ tapsırması boyınşa sınaqtan ötkizdi.

Prezident Qasım-Jomart Toqaev tamız ayınıñ 6-ı küni Twitter paraqşasında qauipsizdik sertifikatına baylanıstı pikir bildirdi. Onda ol Wlttıq qauipsizdik komiteti «Qaznet Trust Network» qauipsizdik sertifikatın öziniñ tapsırması boyınşa sınaqtan sätti ötkizgendigin habarladı.

Däl osı küni WQK qauipsizdik sertifikatın sınaqtan sätti ötkizgendigin, aldağı uaqıtta «kiberşabuıl bolğan jağdayda» paydalanatının aytıp, mälimdeme tarattı.

Şilde ayınan bastap qazaqstandıqtar wyalı baylanıs operatorlarınan ğalamtorğa kedergisiz kiru üşin qauipsizdik sertifikatın ornatudı wsınğan sms hattar ala bastağan. Sarapşılar men azamattıq belsendiler bwnı «azamattardıñ jeke ömirine qol swğu», «halıqtı baqılauda wstaudıñ kezekti qadamı» degen pikirler aytqan. Al wyalı baylanıs operatorları men bilik bwnı «kiberşabuıldıñ aldın alu şarası» dep tüsindirgen.

Osıdan birneşe küni bwrın qauipsizdik sertifikatına baylanıstı Almatı jäne Nwr-Swltan qalalarında qarsılıq akciyaları ötken.

"The Qazaq Times"