Reseydiñ Krasnoyarsk öñirinde äskeri qoyma jarıldı.

TASS aqparat agenttiginiñ habarlauınşa, qoymadağı jarılıstan 8 adam zardap şekken. Jaraqat alğandardıñ barlığı Açinsk audandıq auruhanasına jetkizilgen.

Aymaq gubernatorı Aleksandr Usstiñ aytuınşa, audanğa Qorğanıs minstrliginiñ arnayı mamandarı kele jatır. Uss Açinsk qalası da "äjeptäuir zardap şekkenin" mälimdedi.

TASS mälimeti boyınşa, qoymadağı eki alañ örtenip jatır, olardıñ ärqaysısında şamamen 40 mıñ artilleriya snaryadı bar.

Qoyma Açinsk qalasınan 10 şaqırım jerdegi Kamenka auılında ornalasqan. "Interfaks" agenttiginiñ derekközge süyenip habarlauınşa, Kamenka ğana emes, äskeri bölimnen 20 şaqırım radiustağı basqa da eldi mekenderdiñ twrğındarı köşirilgen. Şamamen 1 mıñ adam üylerin tastap, öz küşterimen qauipsiz aymaqtarğa qonıs audarğan.

Esteriñizge salayıq,  osıdan bir ay bwrın Qazaqstanda da däl osınday jağday orın alğan. Türkistan oblısına qarastı Arıs qalasında oq-däri qoyması jarılıp, saldarınan 45 mıñ adam üylerin tastap, köşuge mäjbür bolğan.

"The Qazaq Times"