رەسەيدىڭ كراسنويارسك ءوڭىرىندە اسكەري قويما جارىلدى.

تاسس اقپارات اگەنتتىگىنىڭ حابارلاۋىنشا، قويماداعى جارىلىستان 8 ادام زارداپ شەككەن. جاراقات العانداردىڭ بارلىعى اچينسك اۋداندىق اۋرۋحاناسىنا جەتكىزىلگەن.

ايماق گۋبەرناتورى الەكساندر ءۋسستىڭ ايتۋىنشا، اۋدانعا قورعانىس مينسترلىگىنىڭ ارنايى ماماندارى كەلە جاتىر. ۋسس اچينسك قالاسى دا "اجەپتاۋىر زارداپ شەككەنىن" مالىمدەدى.

تاسس مالىمەتى بويىنشا، قويماداعى ەكى الاڭ ورتەنىپ جاتىر، ولاردىڭ ارقايسىسىندا شامامەن 40 مىڭ ارتيللەريا سناريادى بار.

قويما اچينسك قالاسىنان 10 شاقىرىم جەردەگى كامەنكا اۋىلىندا ورنالاسقان. "ينتەرفاكس" اگەنتتىگىنىڭ دەرەككوزگە سۇيەنىپ حابارلاۋىنشا، كامەنكا عانا ەمەس، اسكەري بولىمنەن 20 شاقىرىم راديۋستاعى باسقا دا ەلدى مەكەندەردىڭ تۇرعىندارى كوشىرىلگەن. شامامەن 1 مىڭ ادام ۇيلەرىن تاستاپ، ءوز كۇشتەرىمەن قاۋىپسىز ايماقتارعا قونىس اۋدارعان.

ەستەرىڭىزگە سالايىق،  وسىدان ءبىر اي بۇرىن قازاقستاندا دا ءدال وسىنداي جاعداي ورىن العان. تۇركىستان وبلىسىنا قاراستى ارىس قالاسىندا وق-ءدارى قويماسى جارىلىپ، سالدارىنان 45 مىڭ ادام ۇيلەرىن تاستاپ، كوشۋگە ءماجبۇر بولعان.

"The Qazaq Times"