Germaniya AQŞ-tı qoldamadı.

Germaniya AQŞ-tıñ Irandı qıspaqqa alu maqsatında Parsı şığanağında küş biriktiru missiyasın qoldamadı. Şilde ayınıñ 30-ı küni Bundastag müşeleri Uaşington wsınısına jauap berdi.

«Qazir AQŞ-pen küş biriktiru missiyasın jüzege asıru mümkin emes. Sebebi europalıqtar Iranğa qatıstı mülde basqa sayasat wstanuda» - dep mälimdedi Bundestagtıñ sırtqı sayasat komitetiniñ törağası Norbet Rettgen.

Keşe AQŞ-tıñ Germaniyadan Parsı şığanağındağı kemelerdi birlesip qorğauğa baylanıstı kömek swrağanı belgili boldı. Bwğan deyin Wlıbritaniya men Franciya atalmış missiyağa qatısatındığın mälimdegen.

Şilde ayınıñ 19-ı küni Iran islam revolyuciyasın qorğau kopusı Parsı şığanağında Wlıbritaniyanıñ «Stena Impero» mwnay tankerin wstağan. Osıdan keyin resmi London Europa elderiniñ köş basşılığımen suda kemelerin qorğauğa arnalğan äskeri teñiz missiyasın qwrudı wsınğan.

"The Qazaq Times"