Германия АҚШ-ты қолдамады

Германия АҚШ-ты қолдамады.

Германия АҚШ-тың Иранды қыспаққа алу мақсатында Парсы шығанағында күш біріктіру миссиясын қолдамады. Шілде айының 30-ы күні Бундастаг мүшелері Уашингтон ұсынысына жауап берді.

«Қазір АҚШ-пен күш біріктіру миссиясын жүзеге асыру мүмкін емес. Себебі еуропалықтар Иранға қатысты мүлде басқа саясат ұстануда» - деп мәлімдеді Бундестагтың сыртқы саясат комитетінің төрағасы Норбет Реттген.

Кеше АҚШ-тың Германиядан Парсы шығанағындағы кемелерді бірлесіп қорғауға байланысты көмек сұрағаны белгілі болды. Бұған дейін Ұлыбритания мен Франция аталмыш миссияға қатысатындығын мәлімдеген.

Шілде айының 19-ы күні Иран ислам революциясын қорғау копусы Парсы шығанағында Ұлыбританияның «Stena Impero» мұнай танкерін ұстаған. Осыдан кейін ресми Лондон Еуропа елдерінің көш басшылығымен суда кемелерін қорғауға арналған әскери теңіз миссиясын құруды ұсынған.

"The Qazaq Times"