Azattıq radiosınıñ tilşisi Nwrgül Tapaeva.

Azattıq radiosınıñ tilşilerine belgisiz bireuler şabuıl jasadı.

Bügin, 22 şildede Azattıq tilşisi Nwrgül Tapaeva men operator Toqmolda Qwsayınovqa belgisiz bireuler şabuıl jasadı. Azattıq tilşileri tañerteñgi sağat 11-de Almatıdağı adam qwqıqtarı men zañdılıqtı saqtau byurosındağı baspasöz jiınına barğan. Ğimarattıñ birinşi qabatında jurnalisterge tarpa bas salğan bes äyel Azattıq tilşilerine qol jwmsap, tehnikasın büldirdi.

Azattıq tilşileri bügin adam qwqıqtarı men zañdılıqtı saqtau byurosındağı "Memleket analar jäne balalarmen küresip otır" degen taqırıpta ötui tiis baspasöz jiınına barğan. Bwl jiındı wyımdastıruşıları elde tıyım salınğan "Qazaqstannıñ demokratiyalıq tañdauı" qozğalısı (Qazaqstan biligi sınauşı, qazir şetelde twratın quğındağı bwrınğı bankir Mwhtar Äblyazov qwrğan) qızmetine qatısı bar degen küdikpen twtqındalğan almatılıq köp balalı ana Oksana Şevçuk pen jalğızbastı analar Gülzipa Jäukerova men Jazira Demeuovanıñ üsterinen qozğalğan isterdiñ män-jayın aytpaqşı bolğan edi.

"Jiın bastalmas bwrın jiırmağa juıq äyel keldi. Olar şu şığarıp, baspasöz jiınına kelgen jurnalisterdiñ kamerasın, wyalı telefondarın tartıp aluğa äreket qıldı. Jiınğa kelgen özge de adamdarğa şabuıl jasadı" dedi byuro ökili Sergey Duvanov.

Oqiğa bolğan jerge policiya keldi. Azattıq radiosı men QazTAG agenttiginiñ tilşileri arız jazıp jatır.

"The Qazaq Times"