Foto: Azattıq radiosı

6 qañtarda alañğa jinalğan 300 dey beybit twrğınnıñ qalay qırğınğa wşırağanın közimen körgen Aynwr Serikqızı Azattıq radisına oqiğanıñ qalay bolğanın aytıp bergen.

Alañda beybit şerudegilerge şay-tamaq tasığan Aynwr alañda jas balalar men qarttardıñ da bolğanın, barlığınıñ beybit türde öz talaptarın aytqanın, eşqanday zañ bwzuşılıq bolmağanın, tañerteñinde Qapşağaydağı äue desantı küşteri sarbazdarınıñ beibit jiındı körip  "atpaymız" dep qaytıp ketkenimen keşke qaray eskertusiz qırıp tastağanın ayttı.

FB-dağı paraqşasına "Qorıqpa, jüziñdi jasırma. Aqiqattı ayt. Alıp ketse, qasqayıp twrıp ölemiz. Qazaqstannıñ azattığı üşin. Halıqtıñ bostandığı üşin!"  dep jazğan qandı qırğınnıñ kuägeri Aynwr "7-si küni köşede şaşılıp jatqan adam denelerin körgennen keyin şoşınıp qalğam, äli öz-özime kele almay jürmin. Alañğa beybit barğan eldi qazir policiya wstap qinap moyındarına qılmıs ilip jatır. Qanşama adam mügedek bolıp qaldı. Deputattar jurnalistterden tığılıp “biz bilmeymiz , eşqanday zañ bwzuşılıqtı körgenim joq” dep kameradan qaşıp jür. Sonda halıqtıñ joğın kim joqtaydı? Bostan-bos ölip qalğan jastardıñ denesin nege bermeydi? Policiya men äsker 150 000 nan premiya alıp jatır , ne üşin??? Qarapayım halıqtı wrıp-soqqanğa tölengen aqı ma?" degen swraq qoydı.