Foto: https://zarplatyinfo.ru

Daniyanıñ balalar isteri jäne bilim ministri Pernille Rozenkrantc-Tayl' äleumettik jelilerde tanımal blogerlerdiñ jazbaların retteudi wsındı, – dep habarlaydı VVS.

Jaqında Daniyada 336 mıñ oqırmanı bar tanımal bloger Fie Laursen öziniñ «Instagram» paraqşasında suicid turalı jazba qaldırğannan keyin, el biligi osınday şeşimge keldi. Pernille Rozenkrantc-Tayl' Twitter paraqşasında: «Biz äleumettik jelilerdegi balalarımız ben jastardıñ, jalpı barlığınıñ qauipsizdigin qamtamasız etuimiz kerek. Sol üşin biz BAQ etikası äleumettik jelilerdegi iri profil' ielerine de qatıstı boluına wmtıluımız kerek. Al paraqşa ielerine redaktorlıq jauapkerşilik artıluı tiis. Adamdardıñ äleumettik jelilerdegi oqırman sanı belgili bir deñgeyge jetken kezde olardıñ jauapkerşilikteri gazettiñ redaktorı nemese dästürli BAQ ökilderimen birdey boluı kerek», – dedi.

Öz-özine qol jwmsau jaylı jazğan Laursenniñ jazbasına 30 mıñnan astam adam layk basıp, 8 mıñnan astam adam pikir qaldırğan. Keyinnen blogerdiñ otbası atalğan jazbanı öşirip, onıñ jağdayı twraqtı, qazir auruhanada ekendigin jetkizdi. Daniya ükimeti blogerlerge qatıstı wsınıstı maqwldasa, oqırmandar sanı köp tanımal adamdardıñ profil'derin birneşe administratorlar qadağalaytın boladı. Eger bloger erejeni bwzsa, onıñ jazbası öşiriledi. Tipti, zañ aldında jauap berui de  mümkin.

"The Qazaq Times"