Izrail'de marihuananı paydalanu bwdan bılay qılmıs bolıp sanalmaydı

Izrail' ükimeti 5 naurız küni ötken jiında marihuananı paydalanu qılmıs  bolıp sanalmaytındığı jaylı şeşim şığardı. "Izrail' bwdan bılay älemde bolıp jatqan marihuananı twtınuğa baylanıstı özgeristerge köz jwmıp qaray almaydı" - dep, mälimdedi, eldiñ ädilet ministri - Aylete Şaked.

Jaña erejelerge säykes marihuananı şekkenderge belgili bir kölemde ayıppwl ğana salınatın boladı. Osığan deyin äkimşilik jauapkerşilikke tartılıp, temir torğa toğıtılsa, endi bwl şaralar tek birneşe märte marihuanamen wstalıp, qatañ eskertu alğan kezde  ğana jüzege asırılmaq.

Bwl wsınıs "Likud" partiyasınıñ müşesi, deputat Şaren Askel' men naşaqorlıqpen küres jönindegi basqarmanıñ tarapınan jasalıp otır dep habarlaydı NEWSru_Israel. Alğaş bwl özgerister işki qauipsizdik jäne ädilet ministrligi tarapınan maqwldanbağan bolatın.

Reuters jariyalağan, izrail' policiyasınıñ mälimetterine säykes 2015 jılı marihuanamen wstalğan 188 tärtip bwzuşı tirkelse, 2010 jılğa qarağanda bwl körsetkiş 56 payızğa azayğan. Sonımen qatar, marihuananı medicinalıq maqsatta qoldanu turalı Izrail'diñ 25 mıñ nan astam twrğınında zañdı rwqsat qağazdarı bar.

“The Qazaq Times”