يزرايلدە ماريحۋانانى پايدالانۋ بۇدان بىلاي قىلمىس بولىپ سانالمايدى

يزرايل ۇكىمەتى 5 ناۋرىز كۇنى وتكەن جيىندا ماريحۋانانى پايدالانۋ قىلمىس  بولىپ سانالمايتىندىعى جايلى شەشىم شىعاردى. "يزرايل بۇدان بىلاي الەمدە بولىپ جاتقان ماريحۋانانى تۇتىنۋعا بايلانىستى وزگەرىستەرگە كوز جۇمىپ قاراي المايدى" - دەپ، مالىمدەدى، ەلدىڭ ادىلەت ءمينيسترى - ايلەتە شاكەد.

جاڭا ەرەجەلەرگە سايكەس ماريحۋانانى شەككەندەرگە بەلگىلى ءبىر كولەمدە ايىپپۇل عانا سالىناتىن بولادى. وسىعان دەيىن اكىمشىلىك جاۋاپكەرشىلىككە تارتىلىپ، تەمىر تورعا توعىتىلسا، ەندى بۇل شارالار تەك بىرنەشە مارتە ماريحۋانامەن ۇستالىپ، قاتاڭ ەسكەرتۋ العان كەزدە  عانا جۇزەگە اسىرىلماق.

بۇل ۇسىنىس "ليكۋد" پارتياسىنىڭ مۇشەسى، دەپۋتات شارەن اسكەل مەن ناشاقورلىقپەن كۇرەس جونىندەگى باسقارمانىڭ تاراپىنان جاسالىپ وتىر دەپ حابارلايدى NEWSru_Israel. العاش بۇل وزگەرىستەر ىشكى قاۋىپسىزدىك جانە ادىلەت مينيسترلىگى تاراپىنان ماقۇلدانباعان بولاتىن.

Reuters جاريالاعان، يزرايل پوليتسياسىنىڭ مالىمەتتەرىنە سايكەس 2015 جىلى ماريحۋانامەن ۇستالعان 188 ءتارتىپ بۇزۋشى تىركەلسە، 2010 جىلعا قاراعاندا بۇل كورسەتكىش 56 پايىزعا ازايعان. سونىمەن قاتار، ماريحۋانانى مەديتسينالىق ماقساتتا قولدانۋ تۋرالى ءيزرايلدىڭ 25 مىڭ نان استام تۇرعىنىندا زاڭدى رۇقسات قاعازدارى بار.

“The Qazaq Times”