Europada aptap ıstıq kütilude. Foto: BBC

Bwl aptada Europa elderinde aptap ıstıq rekordtıq körsetkişke jetedi dep kütilude. Meteorologtardıñ boljamına sensek, Ispaniyadan tartıp Şveycariyağa deyingi birqatar batıs europalıq elderde aua temperaturası 40 gradusqa deyin köteriledi.

Osı apta bastalısımen Franciya men Italiyanıñ keybir aumaqtarında kün qattı ısığan. Parijde keşegi küni auanıñ ortaşa temperaturası 34 gradusqa jetken jäne üzdiksiz joğarılap bara jatqanı bayqaladı. Franciyada joğarı temperaturadan bolatın tötenşe jağdaylardıñ aldın alu şaraları qolğa alına bastağan. Eldiñ bilim ministri osı aptadağı barlıq emtihan sınaqtarın keyinge qaldırğan.

Bwnday jağdaylar Italiya men Germaniyada da qaytalanuda. Germaniyanıñ Frankfurt qalasında aua temperaturası 38,2C° jetetini boljanğan. Bwl 1948 jılğı rekordtı jañartadı.

Europadağı bwl aua temperaturası Ortalıq Aziyamen salıstırğanda tömen köringenimen jazı salqın bolıp keletin jäne aynalasın teñiz qorşağan ılğaldı auadağı Europa üşin asa joğarı temperatura. Mamandardıñ pikirinşe, Europa elderinde temperaturanıñ joğarılauı Sahara şölinen kelip jatqan ıstıq aua ağısınıñ äseri. Sonday-aq, ekspertter Europada aua temperaturası klimattıñ jılınuına qarsı şaralarğa qaramastan jıl sayın joğarılap kele jatqanın eskertude.

Joğarı temperatura qalanı sumen jäne elektr quatımen qamtu jwmıstarın qiındatadı. Alıp megapolisterde aptap ıstıq adamdardıñ ömirine de qauip töndiredi. 2003 jılğı Europa elderinde bolğan aptap ıstıq şamamen 20 mıñ adamnıñ janın jalmağan edi.

 

“The Qazaq Times”