Qazaqstanda miting kezinde 4 mıñ adam wstalğan. Bwl jöninde İşki ister ministri Erlan Twrğınbaev mälimdedi.

«Mausım ayınıñ 9,10, 11 jäne 12-i künderi Qazaqstan qalalarında Bas prokuratura men İİM eskertuine qaramastan zañsız mitingter ötti. Şeruge şıqqan azamattar «Miting, şeru, demonstraciya» turalı zañdı bwzdı. Zañda qanday da bir miting ötkizbes bwrın jergilikti atqaruşı bilik organdarınan rwqsat alu kerektigi jöninde anıq aytılğan. Jergilikti atqaruşı organdardıñ rwqsatı boyınşa ğana mitingter ötui tiis» - dedi Twrğınbaev.

Ministrdiñ sözinşe, policiya qızmetkerlerine arnayı qwraldar paydalanbauğa bwyırıq berilgen jäne miting kezinde 4 mıñğa juıq adam wstalğan.

«Policiya tärtipsizdikterge qarsı qoldanatın qwral-jabdıqtarmen qamtamasız etilgen. Ol gaz balonı, dubinka. Biraq olar onı qoldanğan joq. Tek fizikalıq küş körsetildi. 4 mıñğa juıq azamat wstaldı» - dep mälimdedi Twrğınbaev.

Vedomstva basşısınıñ aytuınşa, 3 mıñ adamğa protokol toltırılıp, sol sätte bosatılğan. 677 adam sot şeşimi boyınşa qamauğa alınğan.  305 adamğa ayıppwl salınğan.

Esteriñizge salayıq, mausım ayınıñ 9,10,11,12-i künderi aralığında Almatı, Nwr-Swltan (Astana), Şımkent, Aqtöbe siyaqtı iri qalalarda kezekten tıs prezident saylauına qarsı mitingter ötken. Oğan mıñdağan adam qatısıp, aqırı jappay wstalularğa wlasqan.

"The Qazaq Times"