Bas prokuratura narazılıq akciyalarına baylanıstı mälimdeme jasadı.

Vedomstvanıñ habarlauınşa, minting kezinde birqatar adamdar zañdıq talaptarğa bağınbay, policiya qızmetkerlerine şabuıl jasap, arandatu äreketterin jasau arqılı beybit twrğındarğa, äyelder men balalarğa qauip töndirgen. Osığan baylanıstı qoğamdıq tärtip pen tınıştıqtı saqtau maqsatında policiya qızmetkerleri tiisti şaralardı qoldanğan.

«Arnayı qwraldar paydalanılğan joq. Zañ bwzuşılar policiyağa äkelinde jäne sot şeşimimen äkimşiliktik jauapkerşilikke tartıldı. Zañsız, tıyım salınğan wyımdardıñ akciyalarına qatısu äkimşilik zañbwzuşılıq kodeksiniñ 488 babı boyınşa jäne QR Qılmıstıq Kodeksiniñ 400, 405 baptarı boyınşa jauapqa tartıladı. Qwqıq qorğau organdarı aldağı uaqıtta da osı siyaqtı tärtipsizdikterdi zañ ayasında toqtatatın boladı» - delingen Bas prokuratura taratqan mälimdemede.

Keşe Qazaqstandağı adam qwqığı jönindegi byuro men «Adam qwqığı jönindegi hartiya» wyımdarı Nwr-Swltannan narazılardı wstau kezindegi policiya äreketin taldap, bağa beru üşin täuelsiz komissiya qwrudı talap etken.

11 mausımda jariyalanğan birlesken mälimdemede wyımdar "9-10 mausımda narazılıq akciyaları kezinde azamattardıñ qwqığı jappay bwzıldı. İİM wstalğandar sanın azaytıp körsetti" dep jazılğan. Qwqıq qorğauşılardıñ aytuınşa, 9 mausımda Almatıda policeyler sebebin tüsindirmesten kem degende 360 adamdı qalalıq policiya departamentine aparğan, jüzdegen adamdı uaqıtşa wstau izolyatorlarına jetkizgen.

Bwğan deyin İşki ister ministrligi 9-10 mausımda Almatı men Nwr-swltanda 700-dey adam wstalğanın mälimdegen.

"The Qazaq Times"