Belgili käsipker Marğwlan Seysembaev öziniñ "Facebook" paraqşasında kezekten tıs prezident saylauına qatısqan oppoziciyalıq sayasatker Ämirjan Qosanov jöninde mälimdeme jasadı.

- Qosanov.
1. Aldap ketti. Men onımen saylau aldında kezdeskenimde ol mağan: "Men saylauğa qatısamın"- dep aytqan bolatın. Men odan: "Ne üşin?"- dep swrağanımda: "Bwl jüyege wrıs beru kerek”- dep ün qatqan. Bermedi.
Men onıñ jeñe almaytının bilgenmin, oğan jeñisti eşkim äkelip bere salmaytının tüsingenmin. Biraq Ämirjan eñ qwrmasa wrıs beredi degen ümit bolatın.
2. Elimizdiñ tarihında birinşi ret şınayı halıqtıñ batırı-tañdaulısı bolatın mümkindikti qoldana almadı.
3. 20 jıl boyı jinağan abıroyın bir künde jerge tögip tastadı.
4. Sayasi keleşegi joq.

P.S. Tüsinbeytin adamdarğa. Birinşiden, men Qosanovqa dauıs beriñder dep ügittegen joqpın. Men Qosanovqa dauıs beru arqılı bilikke özimizdiñ narazılığımızdı körsetip, olardı sayasi reformalarğa itermeleuge boladı dep aytqanmın. Meniñ sol sözim jalğan ba? Bilik narazılığımızdı körgen joq pa? Halıq Qosanovtı/protest jaqtauşılardıñ sanın körgen joq pa? Mäsele twlğada emes, biz qoğam, Qosanov arqılı maqsattarımızğa jettik qoy. Bwl ülken jeñis dep esepteymin.

"The Qazaq Times"