Narazılıq şarasına ükimettiñ poziciyası. Foto: BBC.

Europa qauipsizdik ıntımaqtastıq wyımınıñ baqılauşıları  Qazaqstandağı kezekten tıs prezident saylauında fundamentaldı qwqıqtardıñ bwzılğanın rastadı. Bwl turalı atalğan wyımnıñ baqılauşılar missiyasınıñ jetekşisi Georgiy Cereteli mälimdegen.

Cereteli sözinde: «Saylau kezinde eldiñ iri qalalarında ötken narazılıq şaralarınıñ qauipsizdik küşteri jağınan küşpen basılıp, birqatar adamdardıñ qamalğanın ayta ketu kerek. Bwnday jağdaylar ükimettiñ qadirin ketiredi jäne eldiñ reputaciyasına keri äser etedi», – degen.

Qazaqstandağı narazılıq akciyasına qaratqan ükimettiñ poziciyası men äreketi älem aqparat qwraldarında da köbirek aytıldı. BBC, VOA sekildi älemdik aqparat qwraldarınıñ jazbağanı kemde-kem. Olar bir-birine silteme jasap, 9 mausımnıñ özinde 500-den astam adamnıñ qamauğa alınğanın, olardıñ arasında BAQ ökilderi de bar ekenin köbirek aytuda.

Prezident saylauınıñ jeñimpazı Toqaev narazılıq şaraları turalı pikirinde: «Iä, şınında Almatı jäne ortalıq qalada öz közqarasın bildiru üşin bir qatar azamattarımız köşege şıqtı... Öz oyın erkin bildiru turalı aytar bolsaq, Qazaqstanda bwğan tolıq erkindik bar. Alayda, bwl azamattar sırttan kelgen aqparattarğa aldanıp, basqa azamattardıñ qauipsizdigine qater töndirdi», – dedi.  

“The Qazaq Times”