نارازىلىق شاراسىنا ۇكىمەتتىڭ پوزيتسياسى. فوتو: BBC.

ەۋروپا قاۋىپسىزدىك ىنتىماقتاستىق ۇيىمىنىڭ باقىلاۋشىلارى  قازاقستانداعى كەزەكتەن تىس پرەزيدەنت سايلاۋىندا فۋندامەنتالدى قۇقىقتاردىڭ بۇزىلعانىن راستادى. بۇل تۋرالى اتالعان ۇيىمنىڭ باقىلاۋشىلار ميسسياسىنىڭ جەتەكشىسى گەورگي تسەرەتەلي مالىمدەگەن.

تسەرەتەلي سوزىندە: «سايلاۋ كەزىندە ەلدىڭ ءىرى قالالارىندا وتكەن نارازىلىق شارالارىنىڭ قاۋىپسىزدىك كۇشتەرى جاعىنان كۇشپەن باسىلىپ، بىرقاتار ادامداردىڭ قامالعانىن ايتا كەتۋ كەرەك. بۇنداي جاعدايلار ۇكىمەتتىڭ قادىرىن كەتىرەدى جانە ەلدىڭ رەپۋتاتسياسىنا كەرى اسەر ەتەدى»، – دەگەن.

قازاقستانداعى نارازىلىق اكتسياسىنا قاراتقان ۇكىمەتتىڭ پوزيتسياسى مەن ارەكەتى الەم اقپارات قۇرالدارىندا دا كوبىرەك ايتىلدى. BBC, VOA سەكىلدى الەمدىك اقپارات قۇرالدارىنىڭ جازباعانى كەمدە-كەم. ولار ءبىر-بىرىنە سىلتەمە جاساپ، 9 ماۋسىمنىڭ وزىندە 500-دەن استام ادامنىڭ قاماۋعا الىنعانىن، ولاردىڭ اراسىندا باق وكىلدەرى دە بار ەكەنىن كوبىرەك ايتۋدا.

پرەزيدەنت سايلاۋىنىڭ جەڭىمپازى توقاەۆ نارازىلىق شارالارى تۋرالى پىكىرىندە: «ءيا، شىنىندا الماتى جانە ورتالىق قالادا ءوز كوزقاراسىن ءبىلدىرۋ ءۇشىن ءبىر قاتار ازاماتتارىمىز كوشەگە شىقتى... ءوز ويىن ەركىن ءبىلدىرۋ تۋرالى ايتار بولساق، قازاقستاندا بۇعان تولىق ەركىندىك بار. الايدا، بۇل ازاماتتار سىرتتان كەلگەن اقپاراتتارعا الدانىپ، باسقا ازاماتتاردىڭ قاۋىپسىزدىگىنە قاتەر ءتوندىردى»، – دەدى.  

“The Qazaq Times”