Qazaqstan prezidenti Qasım-Jomart Toqaev pen Qıtaydıñ Qazaqstandağı elşisi Çjan Syao.

"Şıñjañda qazaqtar qısım körip jatır" degen jalğan aqparat" - dep mälimdedi Qıtaydıñ Qazaqstandağı elşisi Çjan Syao.

Elordada mamır ayınıñ 28-i küni ötken qazaq-qıtay qarım-qatınasına arnalğan jiınnan keyin Çjan Syao jurnalister swrağına jauap berdi. Onda ol Qıtaydıñ Şıñjañ aymağındağı qazaqtardıñ qısım körip jatqandığı turalı aqparattardıñ barlığı jalğan ekendigin ayttı.

«Aqparattıñ barlığı jalğan. Bwl aqparattardı qaydan aldıñızdar? Şıñjañdağı jağday birqalıptı. Şıñjañdağı jağday – terrorizm jäne ekstremizmmen küres äreketteri» - dep mälimdedi Syao.

Qıtaydağı etnikalıq qazaqtardıñ qısım körip jatqandığı jönindegi aqparattar 2017 jıldan beri BAQ betterinde aytılıp keledi. Osığan baylanıstı Qazaqstannıñ tükpir-tükpirinde baspasöz mäslihatı ötip, arğı bettegi qazaqtardıñ Qazaqstandağı tuıstarı atalmış mäselege baylanıstı bilikten birneşe märte kömek swrağan.

"The Qazaq Times"