"شىڭجاڭدا قازاقتار قىسىم كورىپ جاتىر" دەگەن جالعان اقپارات" - دەپ مالىمدەدى قىتايدىڭ قازاقستانداعى ەلشىسى چجان سياو.

ەلوردادا مامىر ايىنىڭ 28-ءى كۇنى وتكەن قازاق-قىتاي قارىم-قاتىناسىنا ارنالعان جيىننان كەيىن چجان سياو جۋرناليستەر سۇراعىنا جاۋاپ بەردى. وندا ول قىتايدىڭ شىڭجاڭ ايماعىنداعى قازاقتاردىڭ قىسىم كورىپ جاتقاندىعى تۋرالى اقپاراتتاردىڭ بارلىعى جالعان ەكەندىگىن ايتتى.

«اقپاراتتىڭ بارلىعى جالعان. بۇل اقپاراتتاردى قايدان الدىڭىزدار؟ شىڭجاڭداعى جاعداي بىرقالىپتى. شىڭجاڭداعى جاعداي – تەرروريزم جانە ەكسترەميزممەن كۇرەس ارەكەتتەرى» - دەپ مالىمدەدى سياو.

قىتايداعى ەتنيكالىق قازاقتاردىڭ قىسىم كورىپ جاتقاندىعى جونىندەگى اقپاراتتار 2017 جىلدان بەرى باق بەتتەرىندە ايتىلىپ كەلەدى. وسىعان بايلانىستى قازاقستاننىڭ تۇكپىر-تۇكپىرىندە ءباسپاسوز ءماسليحاتى ءوتىپ، ارعى بەتتەگى قازاقتاردىڭ قازاقستانداعى تۋىستارى اتالمىش ماسەلەگە بايلانىستى بيلىكتەن بىرنەشە مارتە كومەك سۇراعان.

"The Qazaq Times"