Modi prem'er-ministr lauazımın saqtap qaluı mümkin. Foto: VAO

Jeksenbi küni Ündistanda ülken saylau ayaqtaldı. Dauıs beru kezindegi telearnalar jürgizgen saualnama Ündistannıñ prem'er-ministri retinde Narendra Modidiñ qayta saylanuı mümkin ekenin körsetti.

Ündistandağı saylau bes aptağa jalğasıp, birneşe jüz milliondağan halıq dauıs berdi. Modi basqarğan Wltşıldar partiyası jeñiske jetui mümkin dep boljanuda. Biraq, Wlttıq keñeste basım orındı ieley almauı da mümkin degen boljamdar da bar. Ündistannıñ telearnaları jürgizgen saualnama nätijesine qarağanda, Wlttıq keñestiñ 545 orınnıñ basım köbin Halıqtıq partiya jeñip aluı mümkin eken.

Kezekti saylauda, Rahul Gandi basqaratın oppoziciyalıq Wlttıq kongress partiyası Halıqtıq partiyağa jol berip qoydı.  Degenmen, 2014 jılmen salıstırğanda Wlttıq kongress partiyası köbirek dauıs jiğan.

Degenmen, Ündistandağı saylau öte auqımdı äri kürdeli boladı. Ündistannıñ milliardtan astam halqı saylauda belsendilik tanıtadı. Kezekti saylaudıñ özine 900 millionğa juıq ündistandıq qatısqan. Sondıqtanda, telekanaldar jürgizgen saualnama nätijesi dwrıs bolmay şığuı da mümkin. Saylaudıñ soñğı qorıtındısı beysenbi küni jariyalanadı.

“The Qazaq Times”